ओरै धोरै धरी दातनां ये भरपाई तेरी साथनां ओरै धोरे धरी दातनां जीवो भरपाई तेरी साथना

ओरै धोरै धरे अनार ये भई सिब्बू तेरे यार ओरै धोरै धरे अनार जीवो भई सिब्बू तेरे यार

डाभ कटाओ हे डाभ कटाय कै जेवड़ी बंटाओ हे जेवड़ी बंटाय के पिलंग भराओ हे पिलंग भराए कै देवां नै सुआओ हे।

हे दे सुत्तीड़ा साढ मास, हे दे उट्ठीडा कात्यग मास उठूं सूं उठावां सां, छींके हाथ घलावां सां छींके धरी चार कचोरी, आप खा के बाहमण दीजै आप खा लाहा हो, बाहमण दीजै कहा हो बाहमण नै दीजै बुड्डी सी गां, आगे पिच्छोकड़ मूते वा

हे दे सोई हे साड़’र मास, हे दे उठा हे कात्यक मास हे तम पीलंग भरा के देयां नै सुवाओ हे तम देयां नै सुवा कै गंगा जी पहुंचाओ हे तम गंगा जी पहुंचा के गौ धरम कराओ हे तम गौ धरम करा के खीर रंधाओ हे तम खीर रंधा के बीपर जिमाओ हे तम बीपर जिमाके दिछणा दिलाओ