आजुल कैसे परे हो सुख नींद सो सजना चढ़े आ रहे। आजुल कैसे कें आ गई सुख नींद सजना ने बाखर घेर लई। बेटी आये हैं आवन दो सो सजना मोरो का करें। बेटी हथियन में हाथी मिलाहों सो सजना मेरो का करें। बेटी जोडूँ डड़न से दोउ हाथ नव नव कें पैंया पर लैहों। बाबुल कैसे परे हो सुख नींद सो सजना चढ़े चले आ रहे। बाबुल कैसे के आ गई सुख नींद सजना ने बाखर घेर लई। बेटी आये है आवन दो सो सजना मेरो का करें। बेटी घुड़लन में घुड़ला मिलाहों सो सजना मेरो का करें। बेटी जोडूँ डड़न से हाथ नव नव के पैयाँ पर लैहों। काकुल कैसे परे हो सुख नींद सो सजना चढ़े आ रहे। काकुल कैसे के आ गई सुख नींद सजना ने बाखर घेर लई। बेटी आये हैं आवन दो सजना मेरो का करें। बेटी ऊँटन में ऊँटला मिलाहों सो सजना मेरो का करें।

नन्नी नन्नी बुंदियन मेहो बरस रओ राजा आजोला, राजा बाबोला इन गलियन भीजें सब परिवार। आजोला भीजें लखपति बाबोला भीजें लखपति इन गलियन भीजें सब परिवार नन्नी नन्नी बुंदियन... राजा काकोला राजा फूफोला राजा मामोला इन गलियन भीजें सब परिवार काकोला भीजें लखपति फूफोला भीजें लखपति मामोला भीजें लखपति इन गलियवन भीजें सब परिवार नन्नी नन्नी बुंदियन... इन गलियन मच रई कीच सजन दल कैसे आइयो राजा आजोला राजा काकोला राजा मामोला नन्नी नन्नी बुंदियन... दरजी लेओ बुलाय छतुर तनवाइयो सजन दल चले आइयो। इन गलियन मच रई कीच सजन दल कैसे आइयो। नन्नी नन्नी बुंदियन... आजुल राजाहो हथिया सजाइयो सजन बैठे चले आइयो। बाबुल राजा हो घुड़ला सजाइयो सजन बैठे चले आइयो। राजा काकोला हो ऊँटला सजाइयो सजन बैठे चले आइयो। राजा मामोला हो पलकिया सजाइयो सजन बैठे चले आइयो। नन्नी नन्नी बुंदियन... इन गलियन मच रई कीच सजन दल कैसे आइयो। सो सोने की नाव डराओ औ सारे देओ खेवटा। नइयाँ हमरे नाव नवैया औ सारे नइयाँ खेवटा। जो तुम हो लाड़ी के सादेले तौ जमुन धँस आइयो गंग धंस आइयो, नरवदा धँस आइयो सजन चले आइयो। नन्नी नन्नी बुंदियन मेहो बरस रओ।