पानी वगदे ही रहण,
कि वगदे सुंहदे ने,
खड़ोंदे बुस्सदे ने,
कि पानी वगदे ही रहन ।

जिन्दां मिलियां ही रहण,
कि मिलियां जींदियां ने,
विछड़्यां मरदियां ने,
कि जिन्दां मिलियां ही रहन ।

रूहां उडदियां ही रहण,
इह उड्ड्यां चड़्हदियां ने,
अटक्यां डिगदियां ने,
कि रूहां उडदियां ही रहन ।

ते मैं टुरदा ही रहां,
कि टुर्यां वधदा हां,
खलोयां घटना हां,
कि हां, मैं टुरदा ही रहां ।

हनेरी आ रही है, हनेरी !
काली बोली, अंधा धुंध, तेज़ ।
बस रात हो रहेगी, हनेर घुप घेर,
सूरज, चन्द, तारे, सभ कज्जे जावसन,
साडे सामान रौशनी दे सभ गुल्ल होवसन ।
हनेरी आ रही है, हनेरी !
अजेही अग्गे आई होसी-
वेखी नहीं, याद नहीं ।

हनेरी आ रही है, हनेरी !
इनकलाब दी, तबाही दी, तबदीली दी,
हेठली उते हो जाएगी, दिस्सेगा कुझ ना,
स्यान ना रहेगी किसे नूं किसे दी,
कीमतां सभ बदलियां जावसन ।

फल, फुल्ल, शाख, टुंड, टहणी,
कक्ख ना रहसी;
छप्पर, कुल्ले, कोठे कुल उड वहसन;
पंछी, मनुक्ख, शेर, हाथी,
उडणगे, डिग्गणगे, टुट्टणगे, ढहणगे;
ज़िमीं फटेगी, तारे डिगणगे,
ग्रह भिड़सन, आपो विच;
समुन्दरां दी थां पहाड़, पहाड़ां थावें समुन्दर हो निकलसन,
धरती दे परखचे उड जाणगे,
नवां अकाश-चन्दोआ तणेंगा घट्टे दा ।

हनेरी आ रही है, हनेरी !
अज्ज, भलके, परसों,
कोयी ना अड़ेगा इस दे साहवें,
जो अड़ेगा, सो झड़ेगा,
जो अटकेगा, सो भज्जेगा,
जो उट्ठेगा, सो डिग्गेगा ।
मेहनतां नाल बणायी साडी इह दुनियां,
तबाह हो जाएगी,
मुशकलां नाल उसारी साडी इस सभयता दा इह ढांचा
चकना-चूर हो वहसी;
मारां मार कट्ठी कीती साडी इह रास पूंजी,
धूं-बद्दल वांग उडंत हो जाएगी;
इलमां दे लफ़ाफ़े, ग्यानां दे सतून,
फ़लसफे दे जाल, ध्यानां दे गोरख-धन्दे,
मज़्हबां दे पिंजरे, करमां दे रुझेवें,
सुलतानां दे महल, सलतनतां दे हद्द बन्ने
वेहारां दे अड़िंगे, अचारां दे कुड़िंगे,
इखलाकां दे कज्जन, रिवाजां दे ढक्कण,
नीती दे बसते, समाजां दे फसते-
सभ फ़ना-फिल्ला हो जाएगा, मुशक बाकी ना रहेगा,
सुहागा फिर जाएगा-
वट्टां, बन्नें, स्याड़, वाड़ां पद्धर हो जाणगे ।

चिट्ट चिटान हो जाएगी, रड़ मदान हो दिस्सेगा,
नंग नंगेज हो रहेगी ।
परदे, ढक्कन, कज्जन, उड जाणगे,
बुरके घुंड सभ चुके जाणगे ।
जंञां नहीं चड़्हनगियां, फेरे नहीं होणगे,
मुकाणां नहीं ढुक्कणगियां, इकट्ठ नहीं होणगे-
स्यापे उठ जाणगे, वर्हीने मुक जाणगे,
वेहार वह जाणगे, सुधार रह जाणगे,
रसमां, रवाजां, रीतां- सफाया हो जाएगा सभ दा ।

हां, हनेरी आ रही है, आपनी कमाल शिद्दत विच,
वित्थां, झीतां, आले, भड़ोले, छिक्के, पड़छत्तियां, सभ फुल्ल जाणगे,
ढक्क्या होया गन्द, कज्ज्या होया मन्द,
सभ उगल आवेगा ।
छत्तां, तम्बू, कनातां, लीर लीर हो जाणगे ।
ढोहां, थूणियां, टेकां, टिकाने सभ खुस जाणगे ।
जो आसरे तक्कणगे, लूल्हे हो मरनगे ।
बस कोयी विरला रह जाएगा
आपने आसरे खड़ोता हर्या बूट ।

जीवन दा कटोरा भर्या सी, नका-नक, कंढ्यां तीक,
डुल्हन डुल्हन प्या करदा, इह नका-नक भर्या कटोरा जीवन दा ।
डुल्हना मंगदा, किसे सुहनी जेही अधखिड़ी कली उते,
जीवन उडीकदी उतांह मूंह कर के जो ।

नांह मिली कोयी ऐसी कली, उफ !
ते डुल्ह ग्या इह जीवन दा कटोरा रेत उते ।
डुल्हना सी इसने ज़रूर,
भर्या कटोरा सी इह जीवन दा ।

मैं इक राही हां,
थक्का टुट्टा, मजलां मार्या ।
कितों ना टुर्या, किते ना पुज्जा, किते ना पुज्जणा,
अमुक मेरा पैंडा, अखुट मेरा राह, अपुज मेरी मजल,
टुरन लई बण्या मैं, टुरना लिख्या मेरे लेख ।

उजाड़, उद्यान, बियाबान, इस विच राह मेरा,
सरां ना, साया ना, सिर लुकान लई,
सर ना, खूह ना, प्यास बुझाउन लई ।
ना छप्पड़, ना तला, बुक पानी पिंडे पाउन लई ।
हुंमस है हुट्ट, हवा दा रुमका नहीं किधरे ।

खिड़्या दिस्से ना फुल्ल किधरे, ना सावा पत्तर,
हर्या रेहा ना बूट कोई, ना घा दा फलूस किधरे,
धरती सड़ सड़ फट्टदी, उठ उठ चड़्हदे, वा-वरोले घट्टे दे ।
सूरज तपदा सद सिखरे, ना बदली दा उहला रता हुन्दा कदी,
अकाश दा सुन्दर नीलान सड़ सड़ पै ग्या भूरा,
बून्द कोयी वर्हदी ना इस सुक्के अम्बरों कदी,
भट्ठ तप्पदे, धुंध होयी सारे धरती दी हवाड़ नाल,
इक कुरलाट मच्या, कूकां पैंदियां जियां दियां ।
इस हुंमस विच्च टुर्या जांदा, मैं इक राही हां,
हफ्या हुट्या साह घुट्या मेरा ।

कोयी साथी नहीं कि आसरे हो चल्लां,
ना कोयी मेली कि पता दस्से इहनां राहां दा,
ना आगू कोयी कि पिच्छे हो टुरां ।
इक उजाड़ बियाबान, भां भां करदा,
राह लंमा लंमा, जुगां जुगां दा अमुक,
आसरे दी जा नहीं, ना आराम दा टिकाणा,
चीक चेहाड़ा सुणींदा, सूरत दिस्सदी ना कोई,
पिच्छे, अग्गे होसन दूर कई ।
अगा दिसदा ना कुल धुंध गुबार,
पिच्छा परत तक्कदा ना मैं डर लगदा,
इह राह उच्चा नीवां, पथरीला, तिल्हकवां,
किस बणायआ मेरे लई ? पता नांह ।
कदों टुर्या मैं इस राहे ? कित्थे वहना ? पता नांह
इह राह है ते मैं ।
टुरना इस पुर मैं, रोंदा भावें हस्सदा,
अक्खां पक गईआं मेरियां मजल उडीकदियां,
मजल कोयी दिस्सी नांह, हां ।
पथरा गईआं नज़रां मेरियां, इह पत्थर राह विंहदियां विंहदियां,
दिस्स्या कुझ नांह, हां !
मैं राही हां इस राह दा साथ-हीन, रहमत-हीन, थुड़-हंमता,
कदी कोयी अत्थर ना डिगी किसे अक्ख विचों मेरे लई,
ना कोयी दरद मेरे विच घुल्या कदी,
कदी कोयी मुसकराहट ना निकली मेरे लई, किसे दियां
सुहणियां बुल्ल्हियां चों,
ना कोयी नरम सीतल हथ लग्गा मेरे सड़दे मत्थे ते कदी,
कदे ना मेरा सिर रख्या किसे आपने सुहल
गुदगुदे पट्टां ते,
ना किसे दरदी दिल ने दवा कीती मेरे दरदां दी कदी,
सुख, शांती, संतोख कदी नसीब होया नहीं मैं बद-नसीब नूं,
ना कोयी खुशी मैं डिट्ठी, ना सुख, ना आराम,
मेरी अनंत पीड़ा लई कदी कोयी मेहर दे बोल ना निकले ।
बस्स मैं हां, मेरा इह राह ते मेरियां आह पीड़ां-
मैं राही हां पीड़त ।

मौत मंगी, मैं अनंत वार, मिली नांह ।
नेसती लोड़ी मैं अनेक वार, होयी नांह,
मोया मैं हज़ार वार, जीव्या मुड़ मुड़,
नेसत्या कई वार, हसत्या फिर फिर,
गवाच ग्या मैं बेअंत वार, लभ प्या मुड़ पर,
खुंझ ग्या इस राह नूं मैं कई वार, पर खुंझ्या
ना इह राह कदी मैनूं,
इह राह होया मेरे लई ते मैं इस राह लई,
इह अमुक राह है मेरा, मैं राही इस राह दा ।

बहुत रब्ब मैं मन्ने, बहुत पूजा मैं कीतियां,
बहुत तप मैं साधे, बहुत मन्नतां मैं मन्नियां,
बहुत ग्रंथ मैं पड़्हे, बहुत ग्यान मैं घोखे,
बहुत गुरू मैं कीते, बहुत चेले मैं मुन्ने,
मुशक्कतां बहुत कीतियां मैं, सोचां बहुत सोचियां,
भगत बड़ी कीती मैं, समाधियां लगाईआं,
मुक्का ना मेरा पैंडा, मिल्या ना कोयी टिकाणा, मैं
बे-टिकाने नूं ।
निरजन जंगलां विच्च नस्स ग्या मैं, आबादियां छड्ड के,
शांती ना मिली मैनूं, रोसा ते क्रोध वधे,
कुदरत सोहनी कोझी तक्की मैं, ते मसत्या कदी कदी,
मिल्या ना अखंड अनन्द कदी मैनूं ।

योग मैं साधे, चिल्ले मैं कट्टे,
जागे मैं जागे, वरत मैं रक्खे,
पुर्या ना मकसद मेरा, मिल्या ना कुझ मैनूं,
खाहसां मैं रौंदियां, मन मैं मार्या,
नेकियां मैं कीतियां, पवित्त्रता मैं रक्खी,
सौखा ना होया पंध मेरा, ना नेड़े होयी मजल मेरी ।

प्यार मैं पाए, नशे मैं पीते,
मसत मैं होया, भगती दे मद नाल,
दरशन मैनूं होए मन्दरां दे रब्ब दे,
मद्दद मैनूं ना मिली, ज़खम मेरे ना भरे, हाए !
चानन मैं वेखे मन्दरां दी रौशनी दे,
रेहा हनेरा सदा मेरे अन्दर, दिस्या ना मैनूं कदी कुझ ठीक,
उहो मेरा राह, उहो मैं थक्क्या टुट्या पांधी,
उहो मजल मेरी अपुज, उहो बियाबान आले दुआले ।

राज्यां दे घर जंम्या, राजा मैं होया,
राज मैं कीते धरतां ते सागरां ते,
मुलक मैं मल्ले, धोखे नाल ज़ोर नाल,
मर्या उह अड़्या जो मेरे अग्गे, मेरी शान अग्गे,
चले हुकम सभ मेरे, होया उह जो मैं आख्या,
मंग्या जो मिल्या सो, धरती अकाश तों,
सुन्दरां ते सुन्दर मिले, सुन्द्रता जवानी मिली,
नौकर ते गुलाम सारे, हुन्दियां सलामां सदा,
सभस उत्ते हुकम मेरा, मेरे ते ना हुकम कोई,
रंग राज सभ कीते, भुक्ख ना रही रता,
पंध मेरा कट्या ना, उहो पंध उहो मैं,
उहो बियाबान सारे, उहो ढाठ मेरे अन्दर ।

फकीर भी हो डिठा, मंगता भी,
घर घर ठूठा फड़ फिर्या मैं मंगता,
चीथड़े गल, सिर नंगा, पैर पाटे,
भुक्खा, प्यासा मां बिन, पेय बिन,
इक किक्कर दा डंडा मेरे हथ, साथी मेरा,
फिर्या मैं फिटकां लैंदा, झिड़कां सहन्दा,
पत्थर दिल इस दुनियां दियां गलियां विच,
कितों खैर ना पई, ना ठाहर मिली किते,
इट्टे वज्जे मैनूं पिंडां द्या मुंड्यां कोलों,
कुते पै पिछे कढ्ढ आए पिंडों बाहर,
इउं फिर्या बे-दर, बे-घर मैं कई उमरां,
पर पंध रेहा उहो मेरा, उहो मैं राही,
उहो मेरा अमुक पैंडा, उहो मेरी अदिस्स मजल,
लख उपराले मैं कीते, सारे चारे लाए,
पर प्या ना कुझ पल्ले, खाली हत्थ रेहा सदा,
कित्थे है उह चानन जिस नाल सभ कुझ दिस्सदा ?
कित्थे है उह सच्च जिस दी फतह असच्च ते सदा हुन्दी ?
कित्थे है उह दारू कि सभ दरदां दी दवा होवे ?
कित्थे है उह अनन्दी संतोख कि दुखियां नूं सदा अनन्द देंदा ?
कित्थे है उह रहमत कि पीड़त खलकत ते रहम खांदी ?

मैं थक्क ग्या हां अनंत पैंडे मार मार,
मैं हुटन रेहा हां, सदियां दी थकावट नाल,
मैं पिस ग्या हां मेहनतां दी चक्की विच्च,
मेरे पैर लड़खड़ांदे ने पए, धूया नहीं जांदा मेरे कोलों मेरा आपा ।
मेरियां अक्खियां होईआं अन्न्हियां नित तकदियां तकदियां,
मैं हुन भुगड़ी होया, मरन किनारे,
मौत ना आवन्दी,
पिठ कुब्बी हो गई सफरां पीड़ां दी मारी,
डर प्या लगदा मैनूं मेरे कोलों,
बे परवाह होया मैं, पूरन होयी बे-परवाही,
आस ना रही कोई, ना पछतावा,
जोश मुक्क्या मेरा, हिंमत हार मैं,
टुरन दी लोड़ ना रही, ना पुज्जन दी चिंता,
खाहश चुक्की, चिंता मुक्की,
शरम दा अहसान उठ्या, शान दी हिस हुट्टी,
डर लत्था मेरा-रब्ब दा, रूह दा, मौत दा, बन्दे दा,
दुख, दरद, पीड़, रही ना रता,
धुप ना साड़दी मैनूं ना सीत मारदा,
ग़म, फ़िकर, तरद्दद उठ गए हमेश लई,
अकल, सोच छड्डी मैं सदा लई,
ज़िन्दगी ते मौत तों बे-परवाह होया मैं,
लाउबाला-
पर अन्दर मेरे तद भी रही इक सुंञ,
ढूंड रही सदा धुर मेरे अन्दर तद वी,
रोना छड्ड्या भावें, रोंदा रेहा सदा मैं,
टुरना छड्ड्या भावें, पर टुरदा रेहा तद भी ।

फिर उह सद-रहना अनन्द कोयी चीज़ है ?
उह सद-रहनी हकीकत कोयी शै है ?
उह अबुझ चानन सच मुच किधरे है ?
उह अनन्दी शांती की कोयी सच्च है ?
जे नहीं,
तां मेरे अन्दर इह अज़ली सुंञ केही है ?
इह असूझ, अबुझ्झ तलाश केही है ?
जे है,
तां किसे नूं मिली है ?
मैनूं मिलेगी ?
मैं इक राही हां, मजलां मार्या,
कितों ना टुर्या किते ना पुज्जा,
टुरदा जांदा बिन मरज़ी आपणी,
टुरन लिख्या मेरे लेख, सफरां लई बण्या मैं,
बस टुरना ते उस टोर दा सवाद,
बस थक्कना ते उस थकावट दी मसती,
मिलना होर राहियां नूं ते उस मेल दे अनन्द,
यारियां लाणियां जदों दाय लगे, ते तोड़नियां जदों टुट्टन बे-वस्स ।
इहनां लग्गियां दे सवाद, ते टुटियां दियां टोटां,
पुग्गियां दे चाअ, अण-पुग्गियां दियां रीझां,
पक्कियां दियां खुशियां, कच्चियां दियां हसरतां,
इह है मेरा नफ़ा, जिनां कु मैं खट लवां,
मैं इक राही हां ।

मैं उडीकदी रही, सारी रात,
तारे गिन गिन कढ्ढी अक्खां चों, सारी रात,
तूं ना आइयों ।

सवेर सार थक्क गई मैं,
अक्ख लग गई मेरी,
ते तूं गलवक्कड़ी आण पाई, सुफ़ने अन्दर ।

फरेबां वाल्या,
जे आउना सायी इउं सुफ़न्यां अन्दर,
धिङाने मैं जगराते कट्टे, रातां कालियां ।

(१)

उह ते मैं मिले सां, इक सरां टिकाणे,
चंगे लगे इक दूजे नूं, खिचींदे गए आप-मुहारे,
मिले पसन्दीदगी विच, खिच्च दे सुआद विच, सवाद दी मसती विच,
मिले रहे इक निघ्घ विच, जिनां चिर अग्ग सी, अग्ग दा सेक सी,
बैठे रहे मिलवीं ठंडी छावें, जिनां चिर दुपहर सी, दुपहर दी धुप्प सी-
फिर टुरे आपने आपने राह, विछोड़े दी उदासी, मुसक्राहट नाल,
जद दुपहर ढल गई, अग्ग बुझ गई ।
ना विछोड़े दा सल्ल, ना बिरहों दी धुखधुखी ।
रह गई इक याद सवादली, बिनां लगन,
इक सवाद मिठासला, बिनां भार ।

इउं मिले सां असीं सरां टिकाने इक सवाद विच,
इउं विछड़े सां असीं बे-वस्स, बिनां सल्ल ।
ज़िन्दगी केहा तेज़ हड़्ह है !
मेल-समें केहे थोड़्हे, थोड़्ह-चिरे, अख-पलकारे !
मिलना हस्स वस्स के, मुसक्राहट नाल, जद मिलना पए,
विछड़ना वस्स रस्स के, इक मद्धम जेही याद विच, जद विछड़ना पए ।
इह हन चलदे मेले, सवाद जीवन दे ।

(२)

फिरदी सां मैं अण-जाती, अण-पछाती, आपे लग्गी किसे तलाश विच,
खलोन ना सी मैनूं, ना वेहल मेरा, इक वहशत सी बस्स ।
अधीर होयी दौड़दी सां मैं, ना-मलूम किसे धीर दी सेध ते ।
समें दा चेता नहीं सी मैनूं, (समां बनन तों पहलां बनी सी मेरी ढूंड)
थकावट ना सी, ना मौत मैनूं, बस गरदश सी, तलाश ।

ढूंड मारे जंगल सारे, वसतियां सारियां,
टिकाने सारे, सरावां सारियां,
ना मुक्की मेरी ढूंड, ना पुग्गा मेरा पंध,
ना मिल्या मैनूं मेरा, ना होयी मैनूं धीर,
मैं मुक चली ते आ मिल्या मैनूं 'उह' आ-मुहारा ।
इउं जापे, ज्युं विछड़े नहीं सी कदी, असीं सदा मिले ।
ज्युं विछड़ना नहीं कदे असां, सदा मिले ।
उहदा मेरा खेड़ा इक, रूहां दी डूंघायी इक ।

मैं ते उह मिले सां इउं,
मिल रहे हां इउं,
मिले रहांगे इउं,
इह है ज़िन्दगी दा असरार-थिर मेला ।

आपूं हस्सना एं, मौजां माणना एं,
साडी दुनी किस धंधड़े लायी होयी आ ?
बाज़ीगरा, तेरी बाज़ी बड़ी सोहणी,
असां मूरखां नूं फाही पायी होयी आ ?
कदी वड़ें ना विच मसीत आपूं,
साडे लई इह अड़ी अड़ायी होयी आ ?
ठाकुर-दवार्यां विच नहीं वास तेरा,
काहनूं मुफत लड़ायी पवायी होयी आ ?
तैनूं धरमसालों मार बाहर कीता,
इहनां 'भाईआं' ने अत्त चायी होयी आ ।
गिरजे विच्च ना ही लभ्भा मुशक तेरा,
टोपी वाल्यां अन्न्ही मचायी होयी आ ।
आपूं छप्प बैठों, एथे खप्प पै गई,
तेरी धुरां दी अग्ग लगायी होयी आ ।
बुरके लाह, उट्ठ देह खां दरस यारा,
ऐवें कास नूं धूड़ धुमायी होयी आ ?

हा !
जग सारा मारन नूं दौड़दा, खान नूं,
झईआं लै लै पैंदा,
निक्की जेही जिन्द मेरी न्यानी नूं हड़प्प करन,
जग सारा ।

गलियां दे कक्ख दौड़दे मैनूं फड़न नूं,
करदे हुज्जतां, आखन, 'योइ ! ओइ !!'
मारदे सभ-
कोयी पत्थर वट्टा, कोयी रोड़ा, कोयी ठीकरी,
कोयी गोली मारे, कोयी तीर,
कोयी धौल, कोयी धप्पा,
कोयी कंडे चोभे, सूलां तिक्खियां,
कोयी साड़े अग्ग दी बलदी मशाल नाल,
कोयी धुआंखे हेठां धुखा के मल्ही मेरे ।

सारे जग चों कोयी ना आखदा, 'इहनूं ना मारो,
इह निक्की जेही जिन्द, सुहल, सुबक, न्याणी,
मूरख निकारी भावें, पर नदान, अञान, बे-ज़बान, बे-दोसी,
बे-लोसी, मसूम,
आपने थावें पई पई रहन्दी, ऐवें इक खूंजा जेहा निरा रुन्न्हदी,
कुझ ना सारदी, किसे ना कार दी, ऐवें वेहली,
पर अणजान, निमाणी, भोली, घुघी जेही,
नाज़क, नरम, मलूक, पतली लगर जेही,
बहुता ना भार इस दा, ना बहुता थां मल्लदी इह,
कोयी रोक ना इस दी किसे नूं, ना रुकावट,
ना डक्का, ना अड़िका, ना अड़िचन किसे नूं इस दी,
इह लिफाऊ कच्ची जिन्दड़ी, सावी, चुहचुही, हरी, जींदी
जागदी, आली भोली,
आजिज़, निमाणी, कीर, हकीर, नचीज़ घाह वांग ।'

'रहन द्यो, इस नूं ना मारो,
इहदे रेहां कुझ नुकसान ना, ना तरद्दद ।
ना मार्यां कुझ सौर सौरदी',
कोयी ना आखदा एनी गल्ल,
सगों सारा जग 'हऊ' 'हऊ' करदा, वांग शिकारी कुत्त्यां,
चांघरां मारदा, ललकारे ललकारदा,
दौड़दा मैनूं खान नूं-इक बोटी जान मेरी ।
इस बघ्याड़-जग दी इक दाहड़ हेठां ना आउन जोगी
जिन्द मेरी ।
जिन्द मेरी डोलदी, ड्रदी, कम्बदी,
तड़फदी, फड़कदी, धड़कदी, गमरुट्ठ, दिलगीर, रोण-हाकी हुन्दी,
पीली भूक, कदे नीली कदे ज़रद ।
दौड़दी, नट्ठदी, डिगदी, ढहन्दी, लड़खड़ांदी, गिट्टे गोडे भन्नदी,
जा पैंदी हफ के, हम्ब के, आपनी निक्की जेही, कोठड़ी विच्च,
दरवाज़े खिड़कियां सभ बन्द कर लैंदी ।
पै जांदी अन्दर बे-होश, बे-सुरत, बे-बस, लाचार,
तड़फ तड़फ, फड़क फड़क, तरस तरस रह जांदी,
कम्ब कम्ब, झम्ब झम्ब, हफी, हुट्टी मोयी जिन्द मेरी ।

ते पई रही एवें-
किसे ना हाल पुछ्या, ना सार लीती,
ना कैड़ किसे रक्खी, ना सोय संभाली मेरी ।
किसे ना कीती पालणा, ना गौर मेरी, ना दारी;
किसे ना झस्स्या, ना निघ्घ दित्ता, दुख पीड़ किसे ना पुच्छी;
ना घुट्ट्या किसे मैनूं, निघ्घ-प्यार वाली गलवक्कड़ी विच्च;
किसे ना दरद वंडायआ मेरा, ना पीड़ पछाती ।
दुनियां खाली होयी दरदियां तों, वेदन पुच्छन वाल्यां तों
दरमान जानन वाल्यां, दारू वाले दरमलियां तों
रही ढट्ठी मैं कल्लमकल्ली, बे-सुरत बे-सुध,
आपनी बन्द कोठड़ी विच कई काल,
हवाड़े उड्ड गए ऐवें जिन्द मेरी गई दे ।

हाए ! हाए !!
अन्दर दा हनेरा, काला कुरूप, कालख मेरी कोठड़ी दी तारीकी,
सुंञी, सक्खणी, निखसमी, भां भां करदी, ड्रांदी मैनूं,
अन्दर हुन होर कोयी ना, जग्ग सारा बाहर, मैं जग्ग तों अड्ड,
आपना आप मेरा ड्रदा आपने आप कोलों ।
होर कोयी ना ड्रांदा हुण,
अन्दरला हनेरा, अन्दरली सुंञ खांदी मैनूं मूंह पाड़ पाड़,
ढाठ पैंदी जांदी अन्दरो अन्दर, किरदा जांदा अन्दरला मेरा,
घाऊं माऊं हुन्दा,
बहन्दा जांदा, ढहन्दा जांदा, हिस्सदा, हुट्टदा, टुट्टदा,
कुस्सदा, सुक्कदा,
घाबरदा, घुट्टदा, सिमटदा, सुंगड़दा, डिगदा जांदा नीवीं
नीवीं किसे निवान विच,
पैंदा जांदा कबर हनेरी विच, मेरा अन्दरला ।
'मैं मोयी ! मैं मोयी !!' आख के मैं रोई,
फुट्टी मैं, छहबरां लग्गियां, वग्गी मैं, ते वहन वग्गे,
कड़ टुट्या मेरा, चशमे चल्ले,
वग टुर्या अन्दरला सारा, ढल टुर्या अक्खां थाणी,
ला पता ला पते वल्ल ।
मैं रुड़्ह गई बे-सुध आपने रोण-रोड़्ह विच्च ।

मैं अटकी मैं जागी-
हाएं ! इह कीह ?
अन्दरला मेरा सुक्का सुक्का, हर्या होया, तरो-ताज़ा,
हौला फुल्ल, टहक्या खिड़्या, उच्चा उट्ठ्या,
टिक्या अडोल, मिट्ठी मिट्ठी मद्धम कम्बनी कम्बदा,
थरकदा, त्रेल जेही बरसान, भिन्नी भिन्नी, मिट्ठी मिट्ठी,
मट्ठी मट्ठी, सवादली ।
इह कीह गल्ल ? इह रोन सी कि धोन ? इक जादू
जिन्द दाता ।
इह अथरू सन कि अंमृत ज़िन्दगी बखश
अन्दरला पंघर के मिल्या पानी अन्दरले नूं,
ते ज्यू प्या अन्दरला मुरदा, हर्या होया अन्दरला सुक्का,
टहक्या अन्दरला बुस्स्या बुस्स्या,
ते गीत गांदा झोली अड्ड के-

'देह दाता, मैनूं, डुल्हदे, डल्हकदे अथरू ।
रहन सदा मेरियां अध-मीटियां अक्खां विच छलकदे अथरू ।
दिल विच, अन्दरले विच, उछलदे रहन सदा इह अथर ।
देह मैनूं इहनां बून्दां दे सदका, सिदक, ईमान टेक धुर दी ।
भरी रहे झोली मेरी सदा, दिल मेरा सदा,
रक्खां रहन सदा रब्ब सच्चे दियां, शुकर शुकर कूके,रग
रग मेरी, लूं लूं मेरा ।
गिरन अत्थरू मेरे किरन किरन, सदा सदा ।

हुण,
हुन इह जिन्द मेरी डोलदी ना, ड्रदी ना,
त्रहन्दी, त्रबकदी, डावां-डोल ना हुन्दी,
खोल्ह दितियां बारियां सभ, खिड़क सारे, तोड़ घत्तियां कंधां
सारियां ।
हुन मैं खलोती नंग-मुनंगी नगनता रड़े मदान,
उडदी हवावां नाल मैं आज़ाद होयी खुल्ह,
हुन कोयी मैनूं ड्रांदा ना, मारदा ना,
प्यारदे सभ मैनूं, मैं सभ नूं प्यारदी ।
मैं-प्यार तरदा पाणियां ते,
मैं-हुब्ब उडदी हवावां नाल,
मैं-प्यार होया सभ लई,
सभ प्यार होया मेरे लई,
प्यार, प्यार बस्स,
प्यार दा प्यारा, प्यारे दा प्यार ।

मैं सौं ग्या ते सुफन्या-
कि ज़िन्दगी आज़ाद सी,
कि ज़िन्दगी आबाद सी,
कि ज़िन्दगी सवाद सी ।

मैं जाग्या ते वेख्या-
कि ज़िन्दगी इक फरज़ सी,
कि ज़िन्दगी इक करज़ सी,
कि ज़िन्दगी इक मरज़ सी ।

मैं सोच्या ते समझ्या-
कि फ़रज़ ही आज़ाद है,
कि करज़ ही आबाद है,
कि मरज़ ही इक सवाद है ।

जण्या,
यो जण्या,
सत फुट्टे शतीर जिड्डा तेरा जुस्सा,
खरास दे पुड़ जिड्डी तेरी छाती,
नाड़ां किरलियां वांग खड़ियां तेरे गाटे दियां,
उते हदवाने जिड्डा इक सिर ।

इस जिसम जुस्से अन्दर,
कुझ जान वी है ई,
जान विच जवानी,
जवानी विच चाअ-
होन दा, थीन दा, ज्यून दा ?

इस चौड़ी छाती अन्दर,
कोयी दिल वी है ई,
दिल अन्दर दरद,
दरद अन्दर शिद्दत-
दुक्ख नूं देख कुझ कुझ होवीन दी, दरदीन दी, तड़फीन दी ?

इहनां नाड़ां मोटियां विच,
कुझ खून वी है ई,
खून विच हरकत,
हरकत विच गरमी-
मेलां दी, मिलणियां दी, मिल-बहणियां दी,
इस झेंजां दी, ढीठां दी दुनियां नूं रता उच्यान दी ?

इस सिर वड्डे सारे विच,
कुझ दिमाग़ वी है ई,
दिमाग़ विच बुद्धी,
बुद्धी विच ठर्हा-
सोचन दा, समझन दा, वीचारन दा ?

जे नहीं,
तां क्युं दाने गन्दे करना एं ?
मर पर्हां, चोबरा !
कि धरत दा भार हौला होवे ।

जे है ई,
तां थींदा क्युं नहीं, ज्यूंदा क्युं नहीं, जवानी
माणदा क्युं नहीं ?
हलदा क्युं नहीं, हिलांदा क्युं नहीं, जोश तेरा
जागदा क्युं नहीं ?
महसूसदा क्युं नहीं, दरददा क्युं नहीं,
तड़फदा क्युं नहीं ?

गिरदे तेरे वेख-
केही मुरदेहान वरती होयी ए हटांदा क्युं नहीं ?
बुझ्झ्यां जगांदा क्युं नहीं, मुरद्यां जिवांदा क्युं नहीं ?
इह बुढ्ढ्यां, बीमारां, मुरद्यां दी दुनियां बदलांदा
क्युं नहीं ?

आले पुदाले वेख-
केहा गन्द ए केही सड़्हांद ते बो,
मर गए मज़्हबां दी,
सड़ रहियां रसमां दी,
तरक्क रहियां वहणियां दी ।

अकल दी बहुकर फेरदा क्युं नहीं कि गन्द हटे,
रता आला पुदाला सुथरा होवी,
साह सुखाला आवी,
ते सौखा होवें तूं ते नाले तेरी दुनियां ।

हेठ वेख पैरां दे-
केहा दरद है, केहियां पीड़ां ते पीड़ां वाले,
इह दरद वंडदा क्युं नहीं, पीड़ां हटांदा
क्युं नहीं ?
तूं सकनैं, करदा क्युं नहीं ?

अकलां वाल्या दूल्या,
अकलां वंड, झक्खड़ झुला देह इक अकलां दा,
कि भरमां दे छप्पर उट्ठण,
ढहन ढेरियां भुलेख्यां दियां ।

चानन वाल्या, चानणा,
चानन खिलेर,
कि विरलां, वित्थां, खुन्दरां विच चानन होवे,
हनेरे दे जंतू चानने विच आउण,
सभ नूं सभ कुझ दिस्से,
इन्न बिन्न जिवें है वे ।

ते फेर,
इह दुनियां हो जाए-
ज्यूंद्यां दी, जवानां दी,
सच्च दे पहलवानां दी ।

नजात केही ? मुकती केही ? आज़ादी केही ?
क्युं ? किवें ? काहदे तों ? काहदे लई ?
नजात इक खाब है, मुकती इक सुफना, आज़ादी इक धोखा ।
उस ने आप बंधन रचे,
आपने लई मेरे लई ।

मैं खुश हां कि कैद हां,
इस कैद तों लक्ख आज़ादियां सदके ।
जो कैद नहीं, उह खुश किवें ?

मैं कैद हां-उस दे प्यार-खाने विच्च,
मैं बन्द हां-उस दी तक्क दी हद्द अन्दर,
मैं बद्धा हां-उस दी रज़ा दे वलगणां अन्दर,
मैं कैद हां, मैं खुश हां ।

मैं रब्ब दा बण्या सां,
पर फिर, आखर, रब्ब मेरा सी-मेरा खडौणा, मेरा रोझा,
मेरा शुगल,
ते मैं रब्ब दा राखा सां-बीर राम दा, पासबान अल्ला दा ।
मेरे बिनां ओहदी राखी कौन करे ?
मैं ना होवां-काफ़र रब्ब दा, रब्ब दी रब्बता दा, नास मार देन ।
मैं रब्ब दा हाफ़िज़, संत सिपाही, धरमी योधा, ख़ुदायी खिदमतगार ।
मेरा धरम, रब्ब दी खातर, ईमान दी खातर, रब्ब दी राह दी खातर ।
लड़ मरना, मार मरना काफ़रां नूं, नासतकां नूं, रब्ब दे बाग़ियां नूं,
उस थों गुमराहां नूं ।

कोयी रब्ब दी किताब नूं फूके, मेरी छुरी उस दे ढिड्ड विच,
कोयी रब्ब दी मूरती नूं ढाए, मेरी तलवार उस दी गरदन ते,
कोयी रब्ब दी इबादत-गाह दी तौहीन करे, मेरे पत्थर वट्टे
उस दे सिर विच्च,
कोयी रब्ब दी रब्बता दे उलट कुफ़र लिखे, मेरी सारी ताकत,
झूठ, बद-द्यानती, जबर, उस दे उलट ।
मैं अकाल दा अकाली, रब्ब दा राखा, अल्ला दा गाज़ी,
रसूल दा पासबान ।
मेरे हुन्द्यां मेरे रब्ब वल कौन उंगल करे ।

मेरियां धुंमां मच्च गईआं,
मेरी बहादरी, मेरी कुरबानी, मेरी शाहज़ोरी !
वाह ! वाह !! अल्ला दा शेर मैं, गुरू दा सिंघ मैं,
रब्ब दे ईमान दा राखा मैं,
मेरे हुन्द्यां रब्ब नूं, रब्ब दे धरम नूं, कोयी भउ क्युं ?
कुफर ते नासतकता मेरे कोलों थर थर कम्बन ।

काफरां मलेछां दे लहू दी नहर वगा के,
काफरां दे कुल्ले कोठे नूं फूक अग्ग ला के,
शैतान दी सैना नूं बे-खबर वढ्ढ वढा के,
मैं रब्ब दा सिपाही, उस आपने रब्ब दी दरगाह लक्ख लक्ख
सिजदे करदा ।
लक्ख लक्ख शुकर !
मैं ज़ुहद वी करदा, तप्प वी,
मैनूं फ़ख़र ते चाय सी,
कि मैं परवान सिपाही हां,
कि रब्ब मेरे लई उचेचा बहशत बणवा रेहा होसी,
मेरी खिदमतां दा सिला ।

मैं रब्ब नूं मिल्या ना सी कदी,
ना ढूंड्या सी कदी, ना सोच्या, ना दिलगीर्या ।
रब्ब मेरा सी-आपने नूं की ढूंडना ?
मैं राहे-रासत ते-मैनूं केही दिलगीरी ?
रब्ब दी हिफ़ाज़त, रब्ब दे सच्च दी हिफ़ाज़त,
रब्ब दी इबादत-गाहां दी हुरमत ते काफरां दी मुरंमत-
इहनां कंमां दा बोझ मेरे सिर,
इहनां अमलां विच मसत मैं,
रब्ब दे ख़्याल ते तलाश दी वेहल किस नूं सी ?
मैं वड्डा ख़ुदायी खिदमतगार-मैनूं वेहल कित्थे ?

इक दिन रब्ब मैनूं आण मिल्या, आप-
उहनूं वेहल सी,
मैनूं वेख, उहनूं लालिया ना चड़्हआ,
जो राजे नूं आपने इक वफ़ादार, तेज़ तलवार सिपाही नूं
वेख हुन्दा,
कुझ तरस भावें सी,
मैं गमरुठ होया, निरास,
उस ने मेरा मोढा हिलायआ ते मिठ गुसैल जेहा बोल्या-
"मूरखा ! तूं मेरा राखा हैं कि मैं तेरा ?
तूं मेरे आसरे हैं कि मैं तेरे ?
मैं तैनूं बणायआ सी विगास वासते कि राखी लई ?"
मैं भौंचक, भुआटनी खा डिगा-
होश परती, तां सभ कुझ बदल चुका सी ।
हुन सारे रब्ब दिसदा सी-सार्यां विच ओहो ।
काफर उस दे सन, नासतक उस दे,
काफर कोयी ना सी, नासतक कोयी ना ।
मैनूं भरम सी ऐवें भुलेखा,
जिन्हां नूं मैं मारदा सी, उन्हां विच ओहो मैनूं बखशदा सी ।
उह सारे सी, सभ विच; सभ उस दे सन, उस विच ।
वित्थां, वितकरे, कुफर मेरे सन, मेरी अड्डरता दे,
उस दा राह कोयी ना सी, गुमराह कोयी ना ।

हुन मैं उस दा हां, उस दे आसरे,
उह मेरा राखा है, मैं उस दी रखवाली विच ।
उह मेरा सदा विगासी रब्ब है, मैं aेस दा विगास भगत ।
उह है, मैं नहीं ।

लोड़ है कि मनुक्ख डिग्गे ते मायूस होवे,
रसता भुल्ले ते डावां-डोल होवे,
कि उस नूं ग्यान होवे-आपनी ऊणता, अलपग्गता ते
अग्यानता दा,
ते उह महसूस करे, रब्ब दी लोड़ नूं, रब्ब दी होंद नूं ।

चित करदै मैं रोवां ही रोवां, वाल सिरे दे खोहवां,
मारां मुक्कियां विच कालजे, जिन्द आपनी कोहवां,
छहबर लावां, नदियां वग्गन, 'आपा' आप रड़्होवां,
रुड़्हदी जावां, रुड़्हदी जावां, किते ना मूल खलोवां ।
तड़पां लुच्छां, सुक्कां सिक सिक, आपना आप विगोवां,
जीवन जिस बिन कोझा कौड़ा, तिस बिन किवें रहोवां ।
ना किछ खावां, ना किय पीवां, अन्दर वड़ बह रोवां,
घाऊं माऊं कालजा होवे, कित बिध धरि धरोवां ।
मुट्ठां मीटां, मीटां खोहलां, तलियां मलां मलोवां ।
आङस, साहस, शकति ना कोई, किस दे भार खलोवां,
डोब पवे, कोयी हौल उठे, ते अन्दर मुड़ मुड़ टोहवां ।
अन्दर सक्खना भां भां करदा, ड्रदी नस्स खलोवां ।
ढाठ पवे, मैं ढहन्दी जावां, किस दी टेक टिकोवां ।
लिल्लां निकलन, भरां चांघरां, कित बिध उस दी होवां,
मैं मर चल्ली, दस्सो कोई, किथे ढूंड ढुंडोवां,
उस द्यो लोको, सार द्यो वे, पैर तुसां दे धोवां,
दिन नूं ड्रदी चानन कोलों, राती मूल ना सोवां,
रसिया प्रीतम मिले ना रस हुन, किथों चुंघां चोवां,
जीवन-सोमा कोल नहीं क्युं जोग जीन दी जोवां,
टोट पवे कोयी कहर कटकवीं, टुट टुट टोटे होवां ।

रब्ब ने खिलार खिलार्या,
ते सानूं आपने विचों पैदायश दे के वगाह मार्या बाहर,
मरकज़ थीं दूर ।
आप छप बैठा आपने खिलार विच,
असीं दुखी होए, उस थों उहले हो के, इकल्ले हो के,
उस थों विछड़के उस नूं ना मिल के ।

उस आख्या, 'इह बाज़ी है तमाशा इक,
खिझ्झो ना, मैनूं भालो ।
मेरी टोल विच सुखी वहसो,
मैनूं भाल के सुखी थीसो ।'

असां भाल्या, सानूं मिल्या ना,
असां ढूंड्या पर पायआ ना,
असीं तलाश-तमाशे थीं हैरान होए,
होंद-हासे थीं परेशान ।

फिर असां आपना तमाशा रच्या,
आपनी खेड खेडी,
असां आपनी हत्थीं, आपने दिमागों, आपनी सोचों आपणे
रब्ब रचे,
जैसा जिस नूं भायआ, वैसा उस ने रब्ब बणायआ-
असां पत्थर दे रब्ब घड़े, सोने चांदी ते पित्तल दे,
कागज़ां दे रंग बरंगी, इको ख्यालां दे ख्याली,
जेहो जेहा किसे दा वित सी, जेहो जेही किसे दी चाह सी,
जेहो जेहा किसे दे दिमाग, किसे दे क्यास नूं सुझ्या,
उहो जेहा रब्ब उस ने रच्या ।

किसे चहुं हत्थां वाला, किसे चहुं मूंहां वाला,
किसे निर आकार, निर विकार,
किसे ने ढग्गे ते चड़्हायआ आपने रब्ब नूं,
किसे ने गरड़, मोर, चीते, चूहे ते,
गून्नागूं रब्ब पैदा कीते असां, आपने दिमाग थीं,
सुहने कोझे, रहीम ते जाबर,
रब्बां दा इक बाग खिड़ायआ असां, सोहणा, सुन्दर, मन-मोहणा,
इनसानी हुनर दा इक कमाल ।

ते,
करते हो के असीं आपनी किरत, रब्ब, दे आशक बने पुजारी-
पुशाकां पुआईआं, भोग लुआए,
धूपां धुखाईआं, जोतां जगाईआं,
टल्लियां खड़काईआं, घंटे वजाए, आरतियां उतारियां,
मन्नतां मन्नियां, सिजदे कीते, अरदासे सुक्खे,
मुरादां पाईआं, गुन गाए, सोहले कीते, शुकर गुज़ारे ।
इउं पूजा विच रुझ्झ के, प्रेम विच मसत थी के
आपना आप भुले, अलभ्भ रब्ब पा ल्या, ते सुखी सुहेले
हो गए !

रब्ब साडा किरदगार बण्या सी, परवरदगार,
असी उस दे किरदगार बणे, परवरदगार,
रब्ब साडा तमाशा बणायआ सी,
असीं उस दा तमाशा बणायआ,
रब्ब साडे जेहे कईआं नूं रच्या सी,
असां उस जेहे कईआं नूं रच्या,
रब्ब साथों गुआचा सी,
असीं उस थों गुआच गए ।
असीं उस नूं लभ्भदे सां,
उह हुन सानूं लभ्भे ।
हुश्यार कौन ? उह कि असीं ?
इक्को जेहे, क्युंकि दोवें इक्को हां ।

मैं आपने राहे राह टुरदा,
आज़ादी ते प्रेम दे राह ।
समाज आखदी-'इस राहे ना टुर, इह उलट सभयता दा ।'
मज़्हब आखदा-'इस राहे ना टुर, इह राह पापां दा ।'
कानून्न आखदा-'लीकां मेरियां अन्दर रहु, जे रहना ई ।'

समाज मैनूं अछूत आखदी, मज़्हब पापी, कानून्न मुजरम ।
इक मारदा ए दूजा नरकीं सुटदा, तीजा जेल्ह-खानीं ।
मैं की करां, कित्थे रहां, किद्धर जावां ?

जे इस त्रिगड़े दा आख्या मन्न लवां,
तां जीवन बिरथा ए गुलाम दा जीवन की ?
जे आपने राह टुरां, तां इह सारे प्रेशान करदे-
समाज घुट्टदा ख्याल नूं, ख्याल दे विकास नूं;
कानून्न कतरदा जीभ नूं, कैद करदा जिसम नूं,
मज़्हब मारदा रूह नूं, दब्बदा हुनर नूं ।

मैं की करां ?
बस्स टुर्या चल्लां राहे राह ।
ज़िन्दगी परेशानी दी चंगेरी ए,
गुलामी दी खुनामी नालों ।

कोयी सुंञ सी मेरे अन्दर-इक खप्पा, इक ऊन, कोयी थोड़्ह,
इक खला, वेहल, टोङना, सक्खणापन, इक इकल्ल जेही कुझ,
इक अपूरणता, ना-मुकंमलता,
मसान इक, कोयी उजाड़, खोला सी मेरे अन्दर,
उज्जड़्या आल्हना जिवें होवे ।

मैं उडदी फिरदी सी, हवा दे घोड़े ते असवार,
पागल होयी फिरदी, चार चुफेरियां,
हाड़े कढदी, तरले लैंदी, हूंगदी,
भज्जी फिरदी, घरकदी, घबराउंदी ।
तलाश दे पागल-पन दा कोयी युमन सी मेरे अन्दर,
इक तीखणता, तीबरता, उमंग सी मेरे विच,
इक सक्खणे-पन दी हवा भरी फिरदी सी मैनूं,
उडायी फिरदी वांग भरे भुकाने ।

मैं लोचदी सां आबादी आपने अन्दर दी,
ढूंडदी सां गवाच ग्या अपना आपा,
जो मेरी पूरणता होवे, जिस बिन मैं अपूरन है सां ।
मैं मंगदी सां इक भरपूरता, इक अडोल भर्या-पन,
ते उड्डदी फिरदी सां, आपनी सुंञ दे आसरे, बिन भुक्ख
बिन त्रेह, हवावां तों तेज़, हनेरियां तों अग्गे ।

तलाश-उडारियां ते ढूंड-फेरियां इन्हां विच, मिल्या मैनूं
आखर 'हुसन' सोहणा,
सवाद आ ग्या इक, बे-खुदी छा गई कोई,
इक अडोलता ते भरपूरता परतीत होयी मैनूं, हुसन नूं
मिल के ।
लभ ग्या मैनूं मरकज़ मेरा मैं जाता,
विछड़े मिले, पूरणता होई, सद-रहणी, मैं समझी-
मैं नपीड़ ल्या इस चिरीं-मिले हुसने नूं इक कहर
दे नपीड़ने ।
मैनूं छोड़ ना जावे, मैं छुट्ट ना जावां मते, इस बिनां
मैं सक्खनी ।
मैनूं लभ्भ्या सभ कुझ इस हुसन-गलवक्कड़ी विच,
इक ठंड जेही पैंदी, इक फुहार जेही वस्सदी परतीती,
मैं फुलाए खंभ सभ आपणे, कुकड़ी वांग,
ते लकोया खंभां हेठ इस लभ्भ पए हुसन-चूचे नूं,
मत कोयी वेखे इस नूं,
किसे कोझे दी कोझी नज़र इस उते पवे मते ।
इह मेरा है, मैं लभ्भ्या है, मैनूं मिल्या है,
कोयी होर वेख ना लए इस नूं, चुरा ना लै जाए ।
मैं सुक्खां सुखाली सुत्ती,
हुसने दी सुहावी ठंड विच, सुखावी निघ्घ विच, घूक,
मसत, बे-परवाह,
भाल होयी खतम मेरी, ढूंड मुक्की बस मेरी ।

पर नींदर रही ना सदा, मैं जागी-खाली, इकल्ली ।
उफ़ ! पुनूं मेरे नूं बलोच ज़ालम लै गए किवें ?
उफ़ ! हुसन निकल ग्या मेरे नपीड़ने विचों किवें ?
खिसक ग्या किवें, तिलक ग्या किवें ?
मैनूं फंड ग्या, झम्ब ग्या, तोड़ ग्या लक्क मेरा जिवें ।
उफ़ ! छलावा सी हुसन लोप हो ग्या ।
इके मेरे नपीड़ने, मेरी भिट्ट ने मार वंजायआ हुसने नूं,
मैला कीता, संञापे ना, उड ग्या जापे,
मैं रह गई पिछे सक्खणी, अंग अंग टुट्या मेरा ।
मैं ढट्ठी मूंह दे भार, युमन उड ग्या मेरा,
खलो ना हंघां, टुर ना हंघां,
पयी रही खंभां खुत्थे पंछी वांग,
आल्हण्यों डिग्गे बोट वांगूं ।

मुड़ आया हुनर, किरत आई, किरती हुनर आया,
मेरे पैर झस्से, तलियां झस्सियां, सिर मेरा झस्स्या,
ते आङस मुड़ी मेरी, होश परती ।
'हुसन' कोयी छलावा सी, धोखा ते भुलेखा हुन मैं समझी,
असली मेरा यार आया हुन 'हुनर'
मेरी सुंञ भरन वाला, मेरा साथ निभान वाला, मेरे नाल
इक हो जान वाला ।
मै लभ्भ्या मुड़ आपना गुआचा आपा 'हुनर' नूं मिल के
मुड़ इक सुआद आया ।
संगीत छिड़्या, कावय निकल्या, मसत नाद होए,
अनूप रूप उतरे मेरे हुनर उते,
मैं मुड़ जीवी इक अडोलता विच,
खिड़ी इक सुगंधी विच,
फुहार पई, मींह वस्स्या, ठंड पई,
जापे, बस्स इवें रहेगी सदा इह रात नशीली,
इहो सथिरता है, सद-जवानी ।

पर रही ना इह रात सदा, ना इह इक-सवरता-
कुक्कड़ बांगे, कां बोले, कुत्ते भौंके, चिड़ियां च्यूकियां,
तारां थिड़कियां, सुरां हल्लियां, गीत उखड़े,
सुफने बिला गए-चड़्हआ सूरज, निग्गर दुनियां दा निग्गर,
धुप्पां चमकियां ते भुक्खां लग्गियां,
मैं पागल होयी भुक्ख दे कारन, भुन्दला गई धुप्प दे कारन ।
हुनर सारे आपने छज्ज छाननी पाए,
ते उठ टुरी सिर ते रक्ख, होका देंदी विकरी दा,
ढिड झुलकन लई, सिर लुकान दे आसरे लई,
मैं ओनरी समझदी सां आपने आप नूं, हुन ताजर होई,
नहुरी-मसतियां गईआं, वेहार-स्याणपां आईआं,
स्याणपां नाल मेहनतां कीतियां, हिसाबां नाल मैं,
मेहनतां नाल गीत गावें, मुशक्कतां नाल कावय रचे, जोरां
नाल मूरतां खिचियां मैं,
सभ दे मुल्ल वट्टे, ढिड भर्या, साए होए महलां दे
मेरे सिर ते,
पर हो गई अन्दरों सक्खनी दी सक्खनी मुड़ मैं ।
हुनर उठ ग्या, किरत उड गई, इक फ़न्न रह ग्या बस्स,
रह गईआं कौडियां, ठीकरियां दे ढेर,
तोल, तकड़ी ते पासकू,
ते ढिड दा झुलका,
मैं सक्खनी होयी भूक अन्दरों, जिन्द गई, रह गई
लोथ दी लोथ,

आया मोयी दी मदद नूं हुन धरम ते मज़्हब,
मरदी की ना करदी, फड़ ल्या मैं धरम दा धरूआ,
इस पकड़ विच लगन लग्गी ते आया मुड़ इक सवाद,
रुझ्झी मैं इस धरम दे रोझे विच, ते भुली अपना सक्खणा-पन
ते सक्खणे-पन दियां पीड़ां ।
कदी पूजा विच पागल होई, कदी सेवा विच मसत,
ते भुल्ली आपने पागल-पन ते मसती विच अपूरणता
सारी मैं,
ते गुआच गई किसे पूरणता विच,
इउं जापे जिवें पागल-पन पूरणता है, मसती मुकंमलता है,
स्यानप ऊणता है, चातरी न्यूणता ।
कयी वारी उड्डी मैं,
गुड्डी मेरी उतांह चड़्ही ते जा ठहकी किधरे अरशां दियां उच्याईआं नाल ।
पर रही ना ओथे सदा मैं,
डिग्गी जिवें गुड्डी डोरों टुट्टी,
ढट्ठी मैं धर ते, कि मेरे आसरे, सहारे ते डोरां छुटियां-
मैं आसरे बिनां ना सी खलो जाणदी ।
आसरे सदा ते इक सार ना रहन्दे,
कदी हम्बले नाल मैं उतांह उठदी,
ते अपुने ज़ोरां नालों वधेरे ज़ोरां वाला जापदा मैनूं किधरे
उतांह लई जांदा ।
पर रखदा ना सदा उह मैनूं अपने ज़ोरां ते,
जद मैनूं मेरे भार छड्डदे, मैं आ डिगदी,
हौले, हौले, थल्ले थल्ले मुड़ आपनी धरां ते,
ते फेर रह जांदी उहो मैं सक्खणी, सुंञी, ऊणी,
इक सवाद जेहा रह जांदा भावें, इक चेता जेहा,
उडारियां उडियां दा ।
पर मद्धम जेहे चेते दे आसरे,
ते मद्धम जेहे सवाद दे सहारे,
मैं जींदी ना रहन्दी,
धरम सारे भरम जापदे ते रब्ब इक वहम ।

हनेर आया मेरे भा दा, औखी होयी मैं-
हुसन, हुनर, किरत, सेवा, पूजा, धरम, रब्ब-
सभ सवादले डिठे,
पर सवाद रहन्दा ना इहनां दा सदा ।
इह सभ मुकदे ते मैं मुड़ सुकदी सुकदी रहन्दी,
आङस ना रहन्दी रता, ना हिंमत हम्बला मारन दी,
ना सवाद मानन दी रुची,
हुन्दी जांदी भुग्गड़ी सुक्क सुक्क, मुक्क मुक्क ।

खबरे हुसन लद्धा ना मैनूं ठकि !
खबरे हुनर मिल्या ना मैनूं असल !
खबरे रब्ब मिल्या ना मैनूं मेरा-
इह मैनूं दिसदे निरे आसरे सभ, ढोहां ते टोहां ।
मैं लोड़दी इक जीवन बिनां आसरे, बिन सहारे जो रहन्दा ।
जीवन उहो जेहा जेहो जेहा असलों है-सहज-जीवन,
मैनूं मिलदा ना किधरे ।

अक्की थक्की मैं सभ तों,
दौड़ भज्ज छड्डी सारी, तलाश ते ढूंड,
आरज़ू रक्खी ना किसे दी, ना आस, ना आसरा,
सभ मैनूं जापन ऐवें कैवें ।
किस दी आरज़ू ? केही आस ? केहा आसरा ?

वड़ गई मैं आपने अन्दर, बाहर जान छड्ड्या मैं,
मर जांगी आपने अन्दर, हुट्ट के, घुट्ट के, पर निकलांगी
ना बाहर कदी-
धार लई मैं इह पक्की धारना ।
बझ्झ गईआं मेरियां हिरसां, हवसां,
मुक गई जिन्द मेरी ते मर गई मैं,
आपने विच, अपुने अन्दरे ।

मुड़ जीवी मैं, मौत पिछों, आपने आप,
मैं मरना ना सी, मोयी ना, मौत मेरी लई ना सी ।
ते हुन मैं जींदी बिन सहारे किसे दे ?
मैं पूरन, अडोल, भरपूर,
हुसन, हुनर, किरत, रब्ब-मैं किसे दे पिछे भजदी ना-
किस दे पिच्छे भज्जना हुन ?
इह सभ निकलदे मेरे विचों,
इह सभ जींदे मेरे आसरे,
मैं ना जींदी किसे दे आसरे,
मैं हुन होयी बस पूरणता,
मैं सदा है सां पूरणता,
मैं हां पूरन पूरणता ।

जद दा मैं तैनूं मिल्या हां,
तद दा मैं सुंञा नहीं, इकल्ला नहीं ।

कदी,
मैं इकल्ला सां-
वस्सदी दुनियां विचकार,
ना महरमां दे झुंडां विच,
लाण्यां दे रौले गौले, गुबार विच-
मैं इकल्ला सां ।

हुण,
सारे मैं ही वस्स्या हां,
आपने वस्सन नूं मिल के,
उवें जिवें खुशबू फुल्ल विच,
सुण्हप कुदरत विच ।
हुण,
मैं नहीं जाणदा इकल्ल की है, सुंञ की है,
हुन मैं वस्स्या हां, वस्स प्या हां ।
मेरे दिल अन्दर दरद ए,
अक्खां अन्दर अत्थरू,
उहनां इकल्ल्यां लई, उज्जड़ ग्यां लई,
जेहड़े इकल्ले हन, उज्जड़ पुज्जड़,
बे-किनार ड्रावनी इकल्ल नाल भरे होए,
ते मिलदे हन आपने जेहे होर उजड़्यां नाल,
ते खुशी थींदे हन, बे-खबर ग़ाफ़िल,
नीहां डूंघियां खुदांदे हन,
अटारियां उच्चियां छतांदे हन,
ते अन्दर वड़ बहन्दे हन,
जिवें कबरां अन्दर मुरदे !
मैं उहनां कैदी इकल्ल्यां नूं वेखदा हां-
तरस खांदा हां, रोंदा हां ।

जद दा मैं तैनूं मिल्या हां,
मैं किसे कोठड़ी विच बन्द नहीं,
ना किसे देस, ना किसे दिशा विच कैद,
मैं सारे वस्स्या हां, आज़ाद, खुल्हा,
सभ मेरे विच वस्से हन,
मैं तेरे विच वस्स्या हां,
सारे वस्सों वस्सी है, मेरे वस्सन दी वस्सों ।

आयो, मेरे कोल आयो, ओ इकल्ल्यो,
मेरे वस्सन दे वेहड़े वड़ो,
मेरे वस्सन विच वस्सो,-
जड़्हता विच नहीं, सावधानता विच ।

फेर,
कोयी तुहाडा होवे ना होवे,
कुझ तुहाडा होवे ना होवे,
सभ तुहाडे होसन,
सभ कुझ तुहाडा होसी,
कि उह तुहाडा है,
तुसीं ओस दे हो,
जो सभ दा है,
सभ जिस दे हन ।

द्यो-कि वधोगे,
वंडो- ना मुक्कोगे,
ज्युन द्यो-कि जीवोगे ।

गफ्फे देह, भर भर बाटे,
प्यार दे, उद्दम दे, ख़ुशी दे, खेड़े दे,
गुआंढियां नूं, यारां नूं, ग़ैरां नूं, ना-महरमां नूं ।

ते सभ दा रब्ब,
भंडार खोल्ह दएगा, तुहाडे लई,
रहमतां दे, रहमां दे, बख़शशां दे,
ते सदा रक्खेगा तुहानूं,
छतर छायआ हेठ आपनी ।

भगता,
यो भगता,
केहड़े रब्ब नूं प्या ढूंडना एं ?
मैनूं ढूंड;
रब्ब नूं जानन दे यतन क्युं करना एं ?
मैनूं जाण;
रब्ब नूं पूजना क्युं एं ?
मैनूं पूज;
कि,
मैनूं जाने बिनां रब्ब नूं ना जाणेंगा,
मैनूं मिले बिनां रब्ब नूं ना मिलेंगा,
मैनूं पूजे बिनां रब्ब नूं ना पूजेंगा,
मैनूं पुजे बिनां रब्ब नूं ना पुजेंगा ।

मेरे तों वडेरी, मेरे तों वधेरे असचरज शै,
होर कायी नहीं ।
रब्ब मेरे विच वसदा ए रहन्दा ए,
तूं भी मेरे विच वस्स, कि रब्ब विच रहें ।
मेरे प्यार, मेरी गलवक्कड़ी विच रब्ब वस्सदा ए,
तूं भी मेरे प्यार विच आ मेरी गलवक्कड़ी विच रहु,
कि रब्ब विच वसें ।

हाए ! तैनूं रब्ब नहीं अजे तक दिस्स्या ?
अखां खोल्ह, ते वेख,
कि उह मेरे विच है ई ।

'मैं' सी ना, होसी ना-
'मैं' परतीत हुन्दी इको इक सच्च,
है असलों वड्डा भुलेखा ते धोखा ।
'मैं' सी ना, होसी ना-
'जीवन' है बस-बे-किनार
दम बदम्म जींदा, अनंत चाल चलदा ।

'मैं' है बस इक बुलबुला,
तरदा जीवन-समुन्दर दे पाणियां ते ।
बुलबुला सी ना, होसी ना,
पानी सी, है, होसी ।

हवा, पानी दे छिन भंगर परदे विच, है बुलबुला,
जीवन, जिसम दे छिन भंगर परदे विच, है 'मैं' ।
नदानां लई 'मैं' है, 'जीवन' नहीं,
'मैं' हनेरा है इक बे-समझी दा,
जद समझ चमकेगी, हनेरा उड्डेगा,
हकीकत दिस्सेगी-जीवन ।

रात अद्धी सी मैं अधनींदे,
उट्ठ्या, टुर्या इक पासे,
पहुंच्या इक नकानक भरे तला दे कंढे ।

सोहना समां, सुहावना द्रिश,
पूरन, परकाशमान, सीतल मिट्ठा चन्न,
त्रबकदा, कम्बदा, दुखदा, तिलमिलांदा क्युं ए ?
इतने पूरन, इतने मिट्ठे, इतने परकाशमान चन्न नूं अडोलता
नसीब नहीं, क्युं ?

कोयी आया,
धौन मेरी गिच्चीयों पकड़ कर दितीयो सु उताहां नूं,
नज़रां गईआं मेरियां तलावां नूं छड, अकाश वल ।

अरशां ते चमकदा डिठा, चन्न अडोल,
तलावां अन्दर परछावां हिलदा, अरशां उते असल अडोल ।

सदके तिरे,
यो धौन उचाउन वाले,
नज़रां उठाउन वाले !

कुझ मेरे कोल हुन्दा,
नछावर कर देंदा तेरे तों !

मैं खाली हत्थ,
मेरे कोल मेरे सुफने बस्स ।

मैं विछा दित्ते सुफने आपणे,
तेर्यां राहां विच्च, तेर्यां कदमां थल्ले ।

हौले हौले टुर,
कि तेरे कदमां थल्ले, वेख, मेरे नाज़क सुफने !

उह किथे है ?
केहड़े मुलक ? केहड़े देस, केहड़ी थां ?
किवें मिलां ? कौन मिलाए ?
मैं थक्क्या होया राही हां ।

ग्रंथ पड़्हो, वेद ते कतेब,
जप करो, तप ते त्याग;
सन्यास धारो, ध्यान ते ग्यान;
पूजा करो, पाठ अते आरती;
रहत धारो, भेख अते भावना;
शनान करो गंगा ते गोदावरी;
ओते 'उह' रहन्दा,
मन्दरां ते तीरथां, पूज-असथानां विच्च-
किसे मैनूं आख्या ।

नेक बणो,
पाप ना करो, चोरी ना, यारी ना,
झूठ ना बोलो, रहम करो, मारो ना ज्यूंदे जियां नूं,
धारन करो, परउपकार, परसुआरथ ते सेवा,
वंड द्यो, दौलत, मायआ ते इलम,
मार द्यो, हऊमैं, ग़रूर, मैं, मेरी-
इउं 'उह' मिलदा,
खलकत दी खिदमत नाल-
किसे मैनूं आख्या ।

यकीन ल्यायो, आप संवारो, अरदास नाल,
भगती करो, कीरतन, भावनां ते भै नाल;
आस रखो, हर रंग, हर वेले, हर नाल;
दुख भोगो, भाना मन्नो, खुशी अनन्द नाल-
इउं 'उह' लभ्भदा-
किसे उपदेश्या ।

गुरू धारो,
वेले वेले हर समें रब्ब ने जो घल्ल्या;
हुज्जतां ना, दलील ना, हुकम मन्नो, मुरदा होइ मुरीद;
सेवा करो, मन नाल, मन मार;
भजन अते बन्दगी, अक्खां मीट दिल नाल-
इउं 'उह' लभसी-
किसे ने इह आख्या ।

थक्का होया पांधी सां मैं, होर थक्क्या,
बिन राह राही सां मैं, होर भौंदल्या,
गुआच ग्या मैं, उफ़ ! गुआच्यां दी कन्न धर,
तूं आइयों फेर मेरे कोल, आपूं चल के ।

मैं वेख्या, मैं स्याण्या बस्स तूं ही सैं,
सारे तूं ही सैं-
चट्टू वाले वट्टे विच, ठाकरां दे टिट्टे विच,
मन्दरां दे बुत्त विच, मसजदां दी सुंञ विच,
ग्रंथां दे शबदां विच, किताबां दे वरकां विच,
भगतां दी भगती विच, शराबियां दी मसती विच,
पुन्नियां दे पुन्न विच, पापियां दे पाप विच,
बक्करे दी जान विच, कसायी दी छुरी विच,
दुखियां दे दुक्ख विच, सुखियां दी सुख विच,
रोगियां दे रोग विच, भोगियां दे भोग विच,
मूरतां बणाईआं विच, राग कविता गाईआं विच,
कोड़्हआं दे कोड़्ह विच, सुन्दरां दे सुहज विच,
भिखारियां दी भिख विच, दात्यां दे दान विच,
मोमनां दी मोम विच, काफ़रां दे कुफ़र विच ।

तलाश बे-सूद है, ढूंड बे-फ़ैज़,
मन्दर सक्खने हन, मसजदां खाली,
अन्दर सक्खणा, सभ कुझ सक्खणा,
अन्दर भर्या, सभ कुझ भर्या,
अन्दर मेरा खाली, तूं हैं नहीं,
अन्दर मेरे तूं, तूं सभ थां,
तूं सभ दा कमाल हैं, मैं तेरा कमाल ।
लभ्भना केहा ? तूं जद हैं ।
मिलना केहा ? तूं जे नहीं ।
तलाश केही ? तलाश दा पूरना केहा ?
गुंम हो जाणा-बिनां गुंम होन दी खाहश दे-
मेरे विच तेरे विच-बस्स पाना है ।

उह ते मैं,
अचनचेत मिले-वगदियां भीड़ां विच,
अटके, ठठम्बरे, तक्क्या,
नेड़े होए, नाल लग्गे, घुट्ट्या नपीड़्या-
कंधां ढह पईआं, उहले हट गए,
जिसम पारदरशक हो गए, जिवें शीशा,
परदे फट गए,
दोवें रूहां इक हो गईआं-
इउं होए सन, दो नंगियां रूहां दे मेले, कदी ।

इक कोई,
लंघ्या जांदा, साहमनी सड़क ते, माड़ूआ जेहा,
गरीबड़ा बन्दा,
मोढ्यां तों घस्या कुड़ता, थिंधआली मैली पग्ग, विचों
वालां दियां जलूटियां पलमण,
लक्क, अन्दे प्या, गोड्यां तीक तहमत, गांढ्यां
वाली जुत्ती ठिब्बी पैरीं, खुच्चां तीक घट्टा,
बुचकी इक निक-सुक दी कच्छे, हथ सोटा इक पुराणा,
इस दा इक साथी ।

जेठ दे दिन,
मैं बैठा अन्दर बैठके, खांदा बरफ मलायी ठंडी,
चमच्यां नाल,
पक्खा चलदा सिर ते बिजली दा,
घाह दियां टटियां बद्धियां बाहर, पानी पांदा, उन्हां
ते 'कोयी इक' मुड़ मुड़,
अग्ग वस्सदी कहर दी, बाहर निकलन दी जा ना,
कंम चलदे मेरे सभ 'हुकम' नाल, पूरा हुन्दा बत्तियां
दन्दां 'चों, जो जो निकलदा ।

उह कोई,
लंघ ग्या, धुंधला जेहा नज़ारा, अक्खां अग्गों छेती छेती,
इक मद्धम जेहा चेता चित विच, मिटदा जांदा धुंध विच,
जिवें उह मेरा कुझ ना लग्गदा, मैं उस दा कुझ ना लग्गदा,
उह खबरे 'कौन कोई' मेरे लई, मैं खबरे 'इक कौण'
उहदे लई ।

धुंध जेही,
घेरी रखदी, स्यान ना हुन्दा, उह मैनूं, मैं उहनूं,
नखेड़ी रखदी, उस नूं मेरे नालों, मैनूं उस दे नालों,
साफ हुलियां ना दिसदा, मैनूं उस दा, उस नूं मेरा,
उस दी पीड़ विच मेरी पीड़ ना, ना मेरी खुशी
विच उस दी सांझ ।
क्युं ?
कद तक ?

जेठ दे दिन, सिखर दुपहरां, पंजाब दियां,
इल्लां चड़्हियां, उच्चियां, असमानीं, कां अक्ख निकलदी,
भट्ठ तपन, लोआं वगन, विरोले उडन ते हनेरियां,
दोज़खां दी अग्ग वसदी, गरमी आखे मैं मुड़ ना पैना ।

कच्ची सड़क, घट्टा मिट्टी, रता लांभे इक निका जेहा पिंड,
पिंड विचकारे, इक उच्चा पिप्पल, वड्डा घेर इस पिप्पल दा,
पिप्पल हेठां इक मेला लग्गा-
बांदर दा तमाशा, पिंड होया इकट्ठा सारा ।

वेखन तमाशा, बच्चे बुढ्ढे, कुड़ियां मुंडे, हस्स हस्स,
बुढे बैठे मंजियां ते, बच्चे नंग मुनंगे भुंञे,
जवान गभ्भरू खलोते, घेरा घत्ती, ढाकां ते हथ धरी,
वट ना लगदा इन्हां नूं, ना गरमी, तमाशे दा चाअ
चड़्हआ ऐडा ।

इक माड़ूआ बन्दा, कलन्दर, डमरू वजांदा, इक नाल
मुंडा ओस दे ।
इक बांदर गंजा, लक्क लंगोट, मोढे डांग गभरू जवान दे
सिर चीरा, मेले जांदा जो किते ना लग्गा,
इक बांदरी, लच्छो, खुत्थी खुत्थी, लक्क घग्गरी, रत्ती, वटियां
लीरां दी,
नच्चन, रुस्सन, मन्नन, इह बांदर बांदरी, कलन्दर दे इशारे ते,
डमरू दे खड़ाक ते ।

नच्चदे इह बांदर बांदरी, डंडे दे डर नाल, तगड़े दी
मरज़ी हेठ,
हौले सुसत, भारे पैरीं, मन मरे नाल, जिवें सिख्या इहनां
ने रोज़ रोज़ नच्चणा,
रह गई तेज़ी ते लचक ते चौड़ इन्हां दी भावें, पिछे
विच जंगलां,
जिथे रही आज़ादी, ते खुल्ह ते मौज मन दी ।

खेल्ह खतम, चादर वछायी कलन्दर ने, पेट वासते आपणे,
पैसा सुट्या किसे इक, दाण्यां दी लप्प आण पायी किसे,
किसे आटे दी चूंढी, रोटी बेही दा चप्पा किसे,
निक्का जेहा ढेर लग्गा इक, दाने दा, आटे दा ।

बह गए बांदर बांदरी, कलन्दर दे कोल,
उदास, दिलगीर, जीवन दा चाय ना रेहा हुन्दा जिवें,
खबरे कोयी याद आई, लंघ गई उमरा दी, खुस गई
खुल्ह दी, खुल्ह वाले जंगलां दी ।
ख्याल ने उह जंगल तक्के, चीकां सुणियां, साथियां दियां,
सिर उठे दो, अक्खां मिलियां चार,
घिरना दी नज़र तक्क्या, इन्हां आपने मालक कलन्दर नूं,
बे-खबर पांदा सी, पैसे बोझे च आटा दाना गुछियां 'च,
रोटियां फड़ांदा मुंडे दे हत्थ,
छाल मारी इन्हां, इक छड़प्पा, चड़्ह गए पिप्पल ते बांदर बांदरी,
मार मार टपोसियां, गए टाहणीउं टाहनी उच्ची इक टीसी ते,
लग्गन ज्यूंदे इउं, जवानी मुड़ आई मर्यां सरीरां विच
जिवें, दन्दियां चघांदे हेठां बैठ्यां नूं ।

पाड़ सुट्टी लाल घग्गरी बांदरी ने, मैला कोट बांदर ने,
नव्हां नाल, दन्दां नाल,
इह कैद दियां नशानियां, गुलामी दे तकमे, कबज़ करदे
रूहां नूं,
फिरन टाहणीयों टाहणी, टीसीयों टीसी, टपोसियां मारदे
मन मरज़ी नाल,
भागां नाल मिली इस नवीं आज़ादी नूं माणदे, म्युंदे
ना जिसमां विच ।

हेठां खलोता कलन्दर, ते उस दा साथी, घबराए होए, हक्के बक्के,
दो तिन्न बुढे होर नाल, जिन्हां दी टिकान सी बस इहो,
इक पिप्पल,
हत्थां विच लए रोटी दे टुक्कर, तलियां ते रक्खियां खिल्लां
छोल्या दियां,
पुच पुच करदे, तरल्यां ते प्यार नाल बुलांदे, नेड़े नेड़े,
इस बांदर ते बांदरी नूं ।

भुक्खे सन इह बांदर बांदरी दोवें,
पिप्पल ते कुझ ना लभ्भा सी खान नूं, होर भुख चमकायी इन्हां
खुल्हियां टपोसियां ने सगों,
आए ललचाए हेठां हेठां, वेख मालक दे हत्थ टुक्कर ते खिल्लां-
डंडा प्या पिठ पिछे ना दिस्या,
टुक्कर फड़ ही ल्या सी-कि संगली फड़ लई कलन्दर ने
बांदर दी, मुंडे ने बांदरी दी,
टुक्कर हटा ल्या अग्गों, खस्स लईआं खिल्लां, ते डंडा फड़्या
हत्थ, अके होए कलन्दर ने ।

गुच्छू मुच्छू हुन्दे इह बांदर बांदरी, कट्ठे हुन्दे जान, कलन्दर
दियां लत्तां विच, चीकां मारदे, तरले कढ्ढदे,
मार्या कलन्दर ने डंडे नाल, नाले बन्द कीती इक डंग
दी रोटी-'बड़ा खपायआ इहनां मैनूं ।'
धरू के लै ग्या डेरे आपणे, पिंडों बाहर, बन्न्हआ किल्यां
नाल, अजे गुस्सा ना सी मर्या कलन्दर दा ।
"इहनां बड़ा खज्जल कीता अज्ज, नाले फाड़ दिते घग्गरी ते लंगोट,
खान नूं देना ना इन्हां नूं कुझ अज्ज"-ज़नानी नूं आखदा ।

चुप होए बांदर ते बांदरी, मर ग्या मच्च, उड गई रूह,
विसरी जंगल-टपोसियां दी याद, हमेशा वासते,
नच्चदे हुन घग्गरी पा के सोटा फड़ के, जिवें नचांदा कलन्दर-
बड़े सिक्खे होए साऊ बांदर इह,
ढिड्ड भरदे दाने मंग मंग, इस मालक कलन्दर दा, आपणी
कैद दा तमाशा विखा विखा ।
कैसी इह दुनियां, ज़ुलम नूं तमाशा आंहदी,
खरच खरच पैसे वेखदी, ज़ुलम दा तमाशा, इह दुनियां
ज़ालम !

बुलबुल, निक्की जेही, सुहनी जेही,
पिंजरे अन्दर कैद,
पिंजरा लोहे दियां सीखां दा,
उह नन्ही सुहल जिन्दड़ी !

तड़फदी, खंभ मारदी,
चुंझां, नाले पौंचे,
टुट्टदा ना, इह लोहे दा पिंजरा,
बुलबुल कैद, बे-बस, तरस-योग !

मेरी जिन्द,
सोहनी जेही, निक्की जेही, सुबक बुलबुल,
कैद-
खाहशां दियां सीखां अन्दर,
दुजैगी दियां कंधां अन्दर,
फरेबां दे परदे अन्दर,
मूरखता दे कोठे अन्दर-
सिर पटकदी,
खाहशां दी पूरती लई,
फरेबां दी कामयाबी लई,
ते लहू लुहान हुन्दी ।

अकल दी खिड़की खुल्ही है,
सच्च दे राह नूं जन्दरा नहीं,
हकीकत दे बूहे नूं भित्त नहीं,
इन्ने राह खुल्हे इस पिंजरे दे,
छुट सकदी मेरी जिन्दड़ी इस कैदों,
पर छुटदी नहीं ।
केही तरस-योग कैदन है,
इह जिन्दड़ी मेरी !

मैं वेख्या सी, रब्ब मेरा,
इक दिलगीरी विच, इक दरद विच पुकारदा प्या,
मैं ठीक सुण्या सी कन्न दे के, आंहदा सी प्या,
उहदे आखन विच दरद सी, कूक विच पीड़-
"मैं आपने बन्द्यां वासते गुलामी हराम कीती सी,
मेरे बन्दे फिर गुलाम ने क्युं ?
मैं आपने बन्द्यां वासते सभ पैदायश कीती सी,
मेरे बन्दे फेर भुक्खे ने क्युं, नंगे ने क्युं ?
मैं सारी कुदरत आपने बन्द्यां दी चाकर कीती सी,
मेरे बन्दे फेर किसे दे चाकर ने क्युं ?
मैं सभ नूं सरदारी दित्ती सी राजगी,
इह नफ़र हैन क्युं, गुलाम रहन क्युं ?
मैं बणायआ सी सभ नूं ज्यून लई, ज्यूंदे रहन लई,
ज्यूंदे रहन देन लई,
इह जीऊंदे नहीं क्युं, ज्यूंदे रहन्दे नहीं क्युं,
ज्यूंदे रहन देंदे नहीं क्युं ?
मैं इहनां नूं अरोग बणायआ सी, सदा जवान,
इह रोगी हैन क्युं, सदा मुरदे रहन क्युं ?
मैं इहनां नूं अकल दिती सी, इह वरतदे नहीं क्युं ?
मैं इहनां नूं बुधी दिती सी, इह जोखदे नहीं क्युं ?

"कौन है खड़ा मेरे ते मेरे बन्द्यां दे विचकार ?
जिस दे उहले कारन, बन्द्यां नूं दिसदा नहीं मैं, बन्दे
वेहन्दे नहीं मैनूं ?
अकलां दे कोट मूरख हन, प्यारां दे पुतले लड़दे हन,
हुन्दे सुन्दे भुक्खे हन, नेड़े हुन्दे दूर हन ।
इह कौन हन मैनूं कंड देयी खड़े, चानन मेरा रोकी खड़े ?
मुल्लां, पांधे, पंडत, गुरू, पीर, लीडर, पुजारी, लुटेरे !
इह की है उहला जेहा, विचकाहे जेहे ?
मसजदां, मन्दर, मुलक-हनेरे कोठे, सक्खणियां हद्दां !
इह कीह है आल जंजाल, मेरे बन्द्यां नूं बन्ने बन्न्हन ?
धरम, मज़्हब, शर्हां, शिकंजे-वहम भुलेखे ।
करां फनाह इहनां दलालां नूं, इहनां उहल्यां नूं, इहनां
बन्न्हणां नूं ?
पर क्युं ?
मैं आपने बन्द्यां नूं आपनी सारी शकती दित्ती ए,
सारी अकल ।
उह आपे आज़ाद होसन, आपनी ताकत नाल !
मेरा दखल देना हुन ठीक ना"-
रब्ब दी दिलगीरी लह गई, उह लग्गा फिरन चाईं
चाईं, खुश ।
मैं रब्ब डिट्ठा सी, उहदी पुकार सुनी सी,
तुसां डिट्ठा ए ? उहदी पुकार सुनी एं ?
नहीं डिट्ठा, तां मैनूं वेखो,
नहीं सुणी, तां मेरी सुणो-
कि रूप उस दा झलकदा मेरे विचों,
पुकार उस दी कूकदी मेरे अन्दर ।

मैं इक चिड़ी हां, निक्की जेही, नाज़क, निताणी,
निक्की जेही जान मेरी, निक्की जेही मित्त, निक्का जेहा वित्त,
ना कोयी कंम मेरे कोलों पुग्गदा,
ना कोयी काज मेरे बिन थुड़दा,
मैं इक चिड़ी हां !

इस राह दा इह रुख, सदा दा बस मेरा साथी,
सभ टुंड टहणियां इस दियां, मेरा बस आसरा,
इस नूं मेरा भार ना लग्गदा,
ना इह मेरी होंद कोलों अक्कदा,
मैं इक चिड़ी हां !

उड्डना हवावां विच, गाना गगनां विच ।
इह कंम मेरा ।
कोयी कन्न गीत मेरे सुणदा कि ना ?
मैं सुणान नूं ना गांदी ।
कोयी अक्ख मेरी उडारी तक्कदी कि ना ?
मैं विखान नूं ना उडदी ।
मैं इक चिड़ी हां !

कदी कदी कोयी राही गीत मेरा आण सुणदा,
ते उडारी मेरी वेख खुश होंदा,
इह मेरे भाग, नाले उस दे,
रूहां दे मेल सोहने लगदे मैनूं,
मैं इक चिड़ी हां !

कुदरत ने इउं ही साज्या,
कारीगरी कारीगर दी इवें ही सी,
कि मैनूं अपूरन साज्या,
कि मैनूं अधूरा रख्या !

मेरे पास सभ कुझ-दौलत, हुनर, इलम, सुख सारे जहान दे,
पर मैं अधूरा ।
मेरे कोल हुसन, जवानी जीवन,
मैं फिर भी ऊरा ।

मैं ढूंडदा उह इक साथी,
जिस बिन मैं अधूरा,
जिस नाल मैं पूरा,
जिस बिन मेरा होर ना ।
मेरे बिन जिसदा होर ना ।
मैं ढूंडदा उह साथी,
जो मेरे विच मिल जाए,
मैं जिस विच गुआच जावां,
विरल ना रहे, सांझ होवे, इकमिकता,
छपा ना रहे, भेत ना रहे, होवे अभेदता,

मैं ढूंडदा इक साथी,
पुजारी आपणा, पूजय आपणा,
कमज़ोरियां जिस दियां नूं मैं जाणां, तरुटियां मेरियां नूं
जो पछाणे,
सबूतियां मेरियां नूं जो प्यारे, खूबियां जिस दियां
नूं मैं प्यारां,
मेरे गुनाहां नूं जो जाणे, जिवें मैं जाणदा,
जिस दे गुनाहां नूं मैं जाणां, जिवें उह जाणदा,
दिलां दियां जो देवे ते लवे,
अन्दरले नाल जो गल्लां करे ते सुणे,
जिस दा किणका किणका मेरा जाणू, मेरा पुरज़ा
पुरज़ा जिस दा स्याणू,
मेरी हेक जिस नाल रले, ते दो रूहां इक गीत गान ।
मैं ढूंडदा उह मालक-यार,
जिद्हे बंधनां च मेरी आज़ादी है,
जिद्हियां पुच्छां विच मेरे जवाब,
मेरे नाज़ां नूं जो उठावे,
जिद्हे रोसे नूं मैं मनावां,
मेरे बिनां जिस नूं कंम कोयी ना होवे,
जिस दे नाल मैनूं वेहल रता ना रहे,
झूमां जिस दे चानन विच मैं,
लहरे मेरी रोशनी विच जो ।
जीवां उस नाल मैं,
थीवे मैं नाल जो ।

जिन्हां दा ऐसा साथी ना, उह किवें जींदे ?
जो टोलदे ना ऐसा साथी, उह किवें थींदे ?

मैं इकल्ला सां, कदी-
मैं भी इक साथी ढूंड्या सी कदी,
उस दी ढूंड, उस दा साथ, इक जीवन सी अकह ।

हुन मैं इकल्ला नहीं, कि सभ मेरे साथी हन,
किसे इक नाल मेरा जोड़ नहीं, क्युंकि सभ नाल मैं
जुड़्या हां,
किसे इक नाल मेरी सांझ नहीं, क्युंकि सभ मेरे सांझीवाल हन,
कोयी मेरा राज़दार नहीं, क्युंकि मेरा राज़ कोयी नहीं,
किसे इक बुत दा मैं पुजारी नहीं, क्युंकि मेरा बुत-खाना
कोयी नहीं,
हुन मेरी बुक्कल च कोयी नहीं, क्युंकि मेरी बुक्कल कोयी नहीं ।

हुन मैं चौड़ा होया हां, सभ मेरे विच हन ।
हुन मैं इकल्ला नहीं, कि सभ मेरे हन ।
ढूंड किस दी, तलाश केही ? इकल्ल किवें ?
ना ढूंडणा, ना बणना, ना बणाणा, इह भी इक जीवन
है अकह ।
सभ मेरे हन, मैं सभ दा हां,
सभ मेरे आसरे हन, मैं सभ दा आसरा हां ।

इह कोहलू,
किडा वड्डा-रब्ब दा सुरमेदाना,
किस लक्कड़ दा बण्या ? किस तरखान दा घड़्या ?
कदों आ गड्ड्या इस कोठे अन्दर,
तेलियां सारे पिंड द्यां रल के,
इह कोहलू ।

अन्दरों बाहरों थिंधा,
चप्पा चप्पा मैल तेल दी जंमी,
पीड़्हियां दा विढ्ढ्या, इह कोहलू,
हथ भरदे, हथ लायआं,
अगे धर्या, इक बोड़ा भांडा, मैला लिबड़्या,
विच पैंदी तेल दी निकड़ी धार, कोहलू दी पाड़छी थाणीं ।

विच लट्ठ फिरदी, वड्डी इक मोटी,
जिवें सुरमचू रब्ब दा,
फिरदी पीड़दी जो विच पैंदा-
अलसी, तारा-मीरा ते सर्हों,
ढग्गा जुत्ता इक अगे, गाधी दे,
वगदा इक चाल तेली दी हूंगर ते,
खोपे बद्धे अखां दोहां अगे,
मत वेखे बाहर दी दुनियां,
ते वगना छड्डे,
इह खोपीं लग्गा ढग्गा ।

तेली बैठा नुक्करे इक, हुक्का गुड़ गुड़ करदा,
हलांदा फराह नाल कोहलू विचले दाने कदी,
कुच्छड़ चुकदा, नली वगदे रोंदू मुंडे नूं कदी,
कदी वाज मारदा तेलन नूं,
मुंडा लै जा आ के,

कदी सिधा करदा भांडे नूं, भरन उते आया जो,
कदी मारदा सोटा, सुसत टुरदे इस कन्न्ह लग्गे ढग्गे नूं ।

तेलन बैठी अन्दर, झलानी अन्दर,
थिंधे कपड़े, थिंधा मूंह, तिलकनी तेलण,
तिलक तिलक डिगदे, तिलकन बाज़ी, पिंड दे गभरू इस
दे राह उते,
प्रौठे पकांदी तेल दे चोंदे चोंदे,
गोदे पा इक मुंडा,
दुध चुंघदा जो ।

इह कोहलू नित नित चलदा,
इह ढग्गा नित नित वगदा,
इह तेली नित नित खपदा,
ते तेलन नित पकांदी-
इह इन्हां दी कार है,
इह इन्हां दा जीवन है ।

कुझ उच्यान ना, कुझ निवान ना,
कुझ चड़्हायी ना, कुझ लहायी ना,
उतांह कदी इह तकदे ना,
हेठां कदी इह वेहन्दे ना,
सदा इक सार जींदे इह,
इक बे-सवादी, होयी ना होई, पद्धर जेही थां ते ।

बस कार दी कार नित, कदी कोयी शुगल ना,
सवेर सार कदी कोयी बुढी आउंदी, पोतरे नूं उंगल लाई,
सिर पक्क्या सारा फोड़्यां नाल जिस दा,
पुछदी भायी तेली नूं, ते ला लैंदी झग्ग, सर्हों दे कच्चे
तेल दी, पोतरे दे सिर-
इह परउपकार इस कोहलू दे कारखाने दा बस !

सरदियां दी पिच्छली रात, इह तेली रूं पिंजदा, सुआणियां
मुट्यारां दा,
ताड़ा वज्जदा, पिंञन चलदा, ते मुड़्हको मुड़्हकी होयी जांदा, इह
तेली, स्याले दियां रातां विच
दीवा सर्हों दा जगदा, दूर दुआखे ते, अध-कंधे,
ते मैल तेल दी वगदी, धुर हेठां, फरशां तीक,
ते सभ कंम हुन्दे इस तेली दे घर दे,
इस दीवे दे निंम्हे चानने ।

रूं रख जांदियां मुट्यार सुआणियां, शामां नूं,
ते पिंजा लै जांदियां अगले भलक, परभातां नूं,
पूणियां वटदियां रहन्दियां बह के, नाले कोयी कोयी गल्ल
करदियां तेली नाल, ऐधर दी ओधर दी-
इह इक ज्युंदी घड़ी हुन्दी, इस तेली दे बुस्से जीवन विच ।

कोयी इक मुट्यार, भखदी जवानी, बुढे हटवाणीएं दी
जवान नार,
रूं पिंञान जांदी, लगियां मुहब्बतां दा,
कांग च आउंदी जद जवानी, ते बे-वस्स हो वगदी,
अंग अंग फरकदा, पुरज़ा पुरज़ा, तरसदा,
कुझ कुझ करन नूं, किधरे जा मरन नूं ।

रूं रक्ख आउंदी शामां नूं, तेली दे घर,
ते आखदी निनान ते सस्स नूं, 'मैं रूं पिंञान जाना नी
भलके सवेले'
उठ बहन्दी छोपले, अधी रात, पोपले पैरीं पब्बां भार कुंडी
बाहरों मार जांदी घर दी,
ते टुर पैंदी पीडी बुक्कल मार, किसे होरस पासे,
जांदी, भज्जी काहली काहली, नंगीं पैरीं, धरमसाला वन्नीं,
ते जा ठकोरदी कोठड़ी, उस गभरू जवान धरमसालीए भायी दी,
इस दा हान सी उह,
ते अगों भित्त झट्ट खुल्हदे-प्रेमी सदा जागदे रहन्दे अधियां रातां,
ते वड़ जांदी इह भायी दी प्रेमन, भायी दी निघ्घी बुक्कले ।
केही ठरी होयी आई सी, कक्कर पाल्यां दी,
उस बुढे हटवाणीएं दी इह जवान नार !

इयों प्रीतां पलदियां, गुरां दे वेले, इस निकी जेही कोठड़ी
'च, घड़ियां दो,
सुत्ती मोयी दूती दुनियां दी पत्थर पाड़नी नज़रों रता ओहले
मुड़ टुर पैंदी इह प्रेमन, मद्धम चाले, तेली दे घर, रूं
पिंञान कपाह दा,
ते भायी लग्ग जांदा, सिदकां नाल, उस आसां पूर, रब्ब
गुरू दी सेवा विच ।
ते उह रूं पिंजा के आ जांदी, हनेरे मुन्हेरे घर आपणे,
ते आ आखदी, चौड़ नाल, सस्स ते निनान नूं, 'लौ नी भैणां
वट्टो पूणियां, मैं आ गई जे रूं पिंजा के'-
इह इक सुहनी वरतों, इस तेली-पेंजे दे घर दी,
धन्न इह तेली दा परदे पोश घर, बहान्यां नाल प्रेमी
मिल के, प्रीतां पालदे, जिस पिछे ।

उह कोहलू दा ढग्गा की मैं ही हां ?
ते उह तेली 'उह',
ते उह तेलन 'तूं',
ते कोहलू इस दुनियां दा इह चरखा,
ते कोयी कोयी ज्यूंदी जोड़ी, प्रीतां दा रूं पिंजा लै जांदी,
वगद्यां वहन्द्यां,
कपाह दा रूं पिंञान दे बहाने ।

इक आदमी इक इसत्री ते आशक सी ।उस दियां
रातां दी तिनहायी ते उस दी तिनहायी दियां रातां,
उस दी याद विच बीतदियां सन ।

ते उह ज़नानी भी उस नूं प्यारदी सी ।

इक दिन आदमी ने आख्या,'मैनूं तेरे नाल एनां
प्यार ए कि तेरे बिन मेरी ज़िन्दगी संभव नहीं, आ
मैं ते तूं व्याह कर लईए कि साडी ज़िन्दगी सवरगी
हो जाए ।"

ज़नानी ना मन्नी ।

उन्हां दा व्याह ना होया, पर दुहां दियां ज़िन्दगियां
सवरगी बण गईआं ।

(तरजमा)

बसंत आई, खुशियां ते रंग रलियां नाल ल्याई,
लोक बसंत द्यां रंगां नूं वेखदे ने ते मैं बसंत अन्दर
रंग भरन वाले लिलारी नूं पई ढूंडदी हां ।

तित्तरियां नूं इह ख़ूबसूरती किस ने दित्ती ? फुल्लां
दे इह रंग किस ने रंगे ? कलियां विच्च इह खिच्च किस
ने पायी ? लोकां दे दिलां विच खुशी मानन दियां इह
कुत-कुतारियां किस ने कढ्ढियां ?

सोहणियां सुहल कुड़ियां रंग बरंगे वेस ला के दरया
दे कंढे आपणियां सहेलियां संग बसंत दियां मौजां पईआं
लुटदियां ने, अर मैं इहनां कुड़ियां दे दिलां दियां अन्दरलियां
खाहशां दे भेतां नूं सोच रही हां । इह उमंगां किस उपजाईआं
ते इह ज़िन्दगी देन वाले नज़ारे किस ने बख़शे ?

इह की उहले बैठी ताकत है ?
की अदिस्स अछोह शकती ?

कुड़ियां बसंत नूं खेड मिल घरां नूं मुड़ियां, मैं सोचां
सोचदी किधरे ना अपड़ी ।

सूरज नशट कर दिता ग्या,
चन्न भसम,
तारे तोड़ दिते गए,
इक इक कर के सभ ।
हनेरा है, बस हनेरा-काला, तारीक, घुप्प;
घटां दियां घटां चड़्हियां हन, कालख दियां,
तारीकी है, हनेरी, वाविरोले, झक्खड़ झांझा ते धुंध,
गरज, कड़क, हुंमस, वाहो-दाही, आपा-धापी, अबतरी
तत्तां दी लड़ाई,
जिवें भूत-खाने खोल्ह दिते गए हन सभ,
ते करोड़ां भूत-राख़श खुल्हे हन, खरूद करन लई ।

दरखत हवा विच उडाए जा रहे हन, जड़्हां समेत,
पहाड़ उछाले जा रहे हन उतांह नूं, वांगर गाजरां,
कोह काले उठ रहे हन, लहरां दे, समुन्दरां विचों,
असमान हड़प्प करन लई ।

बिज्जली-कून्द विच कीह दिसदा है ?-
मौत । काली, निडर, रहम रहत, खौफ़नाक -
हज़ारां मूंह टड्डी, जीभां कढ्ढी, खून गलतान,
ऐधर ओधर लड़खड़ांदी, तबाही बरसदी ।

इह है काली माई, मौत-माता !
बीमारी, मौत, वबा, ग़ज़ब, खिलेरदी,
खौफ़नाक, ग़ज़बनाक मौज विच मसत, मद-होश !

ते काली मायी ! जगत माता !!
खौफ तेरा नाम है, मौत तेरी हवाड़,
इक लड़खड़ांदे कदम नाल, ग़रक करदी है सारे विशव नूं !
तूं हैं काल ! महां काल ! कालिका, चंडिका ।
तेरा सेवक उह,
जो कशटां दी सेजा ते, तबाही दे नाच विच, मौत नाल खेडे,
उस ते ही परसन्न हुन्दी एं,
उस दी होली खेड के, उस दा खून पी के ।
तेरे भगतां दा जद सभ कुझ-आपा, हउमें, कामनां,
जद सभ कुझ सवाह हुन्दा है सड़ के,
तद उस शमशान, मरघट ते,
तूं मसत हो के नाच करदी एं !

तेरे दर ते,
मैं बैठा हां,
खाली, भुक्खा, प्यासा, सक्खणा, सुंञा ते पोला,
इक रोनी सद्द लगाउंदा-
'कोयी है ? मैनूं भरे, सक्खने नूं !"

तेरे प्यारे आउंदे ने,
रज्जे, कज्जे, वस्सदे वहन्दे, दानी, सखी, लक्खां दे दाते,
वंडन दी बान पई जिन्हां नूं-
मैनूं भुक्खा नंगा वेख,
देंदे हन, दौलतां दे दान,
हस्सदे रस्सदे खिड़े मत्थे ।

उस वेले,
इह दौलतां, सांभ्यां नहीं सांभी दियां मेरे कोलों,
निके निके बुक्क मेरे, सौड़ी सौड़ी झोली मेरी,
कितना थोड़विता मंगता हां मैं !
पर अगले भलक,
फिर मंगता, तरस योग, सदा दा खाली,
आ बैठदा हां, मैं सदा दा भुक्खा,
मुड़ उसे थां, तेरे दर ते, उहो सद लगाउंदा-
"मैनूं भरे कोई, मैं खाली !"

इवें मैं बैठा हां तेरे दर ते,
जनमां जनमां तों जुग्गां जुग्गां तों, मंगता,
ओवें तूं देंदा हैं सदा सदा तों, दौलतां ते दातां,
मैं लैंदा हां सदा मूंह मंगियां दातां,
फिर भुक्खे दा भुक्खा-भीखक भेखारी,
केही भोखड़ी पा छड्डी ए तूं मेरे अन्दर !

केहा सोहना सोहणा, सज्जरा सज्जरा, प्यारा प्यारा, बन्दा सैं तूं ।
सुबक लंमी ते पतली तेरी डील, सोहने लंमे पतले तेरे वाल,
सोहने नाज़क तेरे पैर, नंगे नंगे लेथू पेथू मुसाफ़री दे घट्टे नाल,
सोहने लंमे कूले कूले तेरे हत्थ, चुंम लैन नूं जिय प्या करदा,
उंगलां पतलियां पतलियां, नरम नरम, रव्हां दियां फलियां ।
इक्क लंमा-चिट्टा, चोला तेरे गल, खुल्हियां बाहां जिस दियां,
खुल्हा गलमा ।

छाती अन्दर इक्क तड़फदा फड़कदा दिल,
रहमत दा समुन्दर बन्द जिस अन्दर,
चुप चाप सैं तूं, लिस्सा जेहा मूंह तेरा दिलगीर,
थल्ले लत्थियां सुन्दर अक्खां,
टुरदा जांदा लंमियां लंमियां पांघां भरदा,
बड़े बड़े काहली दे कंम जिवें पए हुन्दे किसे नूं ।

सारे जहान दी पीड़ तेरे सीने, सारे जहान दे फ़िकर तेरे सिर,
मुसकरांदा तूं पतल्यां पतल्यां होठां 'चों कदी कदी ।
सारे जहान दी दरद पई दिसदी इस इक्क मुसकराहट अन्दर ।
टुर्या टुर्या जांदा तूं बिन रोटी खाधे, बिन पानी पीते,
धुरों खा के तुर्यों तूं कोयी तोसा, पीके तुर्यों कोयी अंमृत,
मुड़ प्यास ना लगदी ना भुक्ख ना वेहल मिलदी रता,
ऐडे खिलरे तेरे खिलार, सौंपने सौंपे तैनूं तेरे बापू ऐने,
प्यारां वाला बापू तेरा होसी कोयी तेरे वांगरां दा ।

टुर्या टुर्या जांदा, उहनां माड़्यां वन्नी,
धतकार्या जिन्हां नूं सारी ख़लकत ने,
तूं लंघदा उहनां दी गली,
वड़दा उहनां दे अन्दरीं,
बैठदा उहनां दे नाल, टुट्टे तप्पड़ां 'ते,
हस्सदा खेडदा उहनां दे नाल जिन्हां नाल ना हस्सदा कोई,
हस्सदे जिन्हां नूं सारे,
खांदा उहनां दियां बेहियां रोटियां मोटियां,
पींदा पानी उहनां दे प्याल्यों,
ते सुणांदा उहनां नूं मिट्ठियां मिट्ठियां गल्लां आपने बापू दियां ।

उह जाणदे कोयी पातशाह उतर्या असाडे,
पातशाहां दी परवाह ना रखदे मुड़ उह ।
तूं जांदा उहनां दे घर,
जिन्हां नूं गुनाहगार आखदे लोक, पाक वड्डे ।
तूं बख़शशां दा ख़ज़ाना खिमां दा भंडार,
कोयी नीवां ना तेरे लई,
ना कोयी गुनाहकार बन्दा ना ज़नानी,
तूं सुणांदा उहनां नूं आपने बापू दियां बख़शशां दे किस्से,
ते पए अग्गों आप बख़शशां करदे,
एनियां बख़शशां हुन्दियां उहनां तों !

टुर्या टुर्या जांदा तूं,
राहों कुराहे,
उच्यांदा ढट्ठ्यां नूं,
उठांदा डिग्ग्यां नूं,
प्यारदा उहनां नूं जिन्हां नूं ना प्यारदा कदी कोई,
जमतीलां दे पैर झस्सदा,
चुंमदा कोड़्हआं नूं,
राज़ी करदा असाध रोग दे रोगियां नूं,
लंङ्यां लूल्यां नूं चुक्क लैंदा आपनी कंधाड़ीं ।
दारू दरमल करदा उहनां दे ज़ख़मां दा ।

गीत गाउंदा तूं
सड़कां ते चुरस्सत्यां 'ते,
बाज़ारां द्यां मोड़ां 'ते
आबादियां च विरान्यां 'च,
उज्जड़े वसदे कारख़ान्यां 'च
आपने बापू दे प्यारां दे,
ते बापू दी आउन वाली बादशाहत दे ।

ते वेखे पकड़ के लै जांदे, तैनूं चिट्टी दुद्ध घुग्गी नूं,
डाढे ते बे-दरद लोक इस दुनियां दे,
ओवें जिवें बघ्याड़ फड़ लै जांदा लेल्यां नूं, बुच्चड़ टुरदे गावां नूं ।
गीत प्यार दे ना सुखांदे इहनां नूं,
ना लोड़ींदी बादशाहत इहनां नूं तेरे बापू वाली,
मख़ौल करदे तैनूं, थुक्कदे तेरे ते, इह कुत्ते जहान दे,
ते चाड़्ह देंदे फड़ के सूली, तैनूं चन्नां दे चन्न नूं,
मलूक हत्थां पैरां विच्च ठोक देंदे मेखां लोहे दियां,

कोयी ना तेरा साथी तेरे कोल,
ना तेरा बापू नेड़े किधरे दिसदा किसे नूं,
ते वड-दिल तूं ऐडा, पहाड़ां जिड्डा तेरा जिगरा,
सूली ते चड़्हआ आखे, आपने ग़ैर हाज़र बाप नूं
"माफ़ करीं बापू इहनां मेरे मारन वाल्यां नूं,
ऐवें इह भुलेखे विच्च मारदे मैनूं ।"
लक्ख लक्ख सलाम तैनूं
यो असमानां दे पातशाह,
सूली 'ते चड़्हन वाले ।

हे ईसा !
प्यारां दा राज ओडा ही दूर है अजे वी,
बापू दी बादशाहत ओनी ही दूर अजे वी,
भुलेवें ते भुलेखे ओवें ही पए हन अजे वी ।
तूं फिर कास नूं आया सैं ?
कास नूं सूली चड़्हआ सैं ?
तेरे जेहे कास नूं आए सन ?
कास नूं आउंदे ने ?
कास नूं सूली चड़्हदे ने ?

निरा इह दस्सण,
कि हक्क नूं सदा फांसी,
ते सच्च नूं सदा सूली,
फड़िअन हमेशा साध,
मारियन हमेशा सिद्धे,
कि गला घुटसी हमेशा द्यानत दा,
बेड़ा डुबसी हमेशां प्यारां दा ।

ते हां कि,
सूली उते सवाद है जो फुल्ल-सेजां ते नहीं,
फांसी विच्च उह सुख है, कि हकूमत विच्च नहीं,
फसन विच्च उह अनन्द है कि फसान विच्च नहीं । मरन विच्च उह रस है कि मारन विच्च नहीं ।

ते नाले हां,
कि जिद्हा बापू नहीं, बापू दी आस नहीं ।
उह रोवे ते मरे ?
कि जिद्हा बापू है, बापू दी आस है,
क्युं रोवे ते मरे ?
कि बापू वाल्यां दी मौत,
ना-बापू वाल्यां दे लक्खां जीवनां तों
चंगेरी है ते सोहणेरी ।

निरा सिदक, निरी नेकी-गए गुज़रे ख्याल हन,
निरी चंग्याई, निरा इख़लाक-लंघ गए वकतां दियां यादां हन,
भलमनसऊ ते सदाचार महज़-अकल दी मौत हन,
भगती, भाउ ते प्रेम निरा-दिमाग़ दी बीमारी है,
अरदासां, आसरे ते आसां-ना होयां दे टिकाने हन,
पुन्न पाप, सुरग नरक-निरे धुंध दे बद्दल हन,
हराम, हलाल, जायज़ मकरूह-मूरखां दे मनसूबे हन ।

भरोसा सिदक, ईमान, किसे बाहरली ताकत उत्ते,
तरले, हाड़े, लिलकणियां, किसे बाहरले रब्ब अग्गे-
सभ नामरदी है, मुरदेहान ।
जीवन, जवानी जिन्नी कु है, सभ तेरे अन्दर है ।
जे निरी चंग्यायी बस हुन्दी, तां सभ इको जेहे हुन्दे,
सभ इको जेहे नहीं, कोयी किसे जेहा नहीं,
मैं ते तूं ते हर कोयी आपनी मिसाल है ।
कोयी आम नहीं, सभ खास हन, किसे खास कंम लई आए,
मैं ते तूं ते हर कोयी कुदरत दी इक खास-तजरबागाह है ।
ते कंम है साडा आपणियां कमज़ोरियां ते ताकतां नूं लभ्भणा,
ते आपने आप नूं नंगा अलफ़ करना, बिनां झिजक, बिनां
डर, बिनां लुक,
कि सच्च दिस्से सभ नूं, कि सच्च निकले सभ 'चों, कि सच्च
दिस्से नंग मुनंगा,
ते इउं इनसाफ होवे साडे नाल, न्यां होवे सभ नाल-
बस इह है ज़िन्दगी दा मकसद,
ते इह है नवां मज़हब ।

मोटा, भोलू, जत्तल,
मखमली गदेल्यां ते सउंदा,
गुदगुदे पट्टां ते बैठदा,
नाज़क पतले लंमे हत्थ चट्टदा,
नक पूंझदा पशमीनी धुस्स्यां नाल,
मैं पटे वाला कुत्ता !

मोटरां मेरी सवारी लई,
पलंघ निवारी सउन नूं,
खिदमत-गार स्याने कई मेरे लई,
दुद्धां गोशतां दे भंडार,
सलोतरी इक दो चार, सदा हाज़र ।
मैं पटे वाला कुत्ता हां !

सोहनी गोरी मुट्यार मूंह चुंमदी मेरा,
ते सोहना गभरू जवान पिंडा थापड़दा मेरा,
सिखे होए पहरे दार मेरा पहरा रखदे,
गरम पाणी, सोहने साबनां नाल, नित गुसल करांदे,
बुरां-दार तौलियां नाल, मेरा पिंडा झस्सदे ।
मैं पटे वाला कुत्ता हां !

रता निढाल हुन्दा चित मेरा, तरथल्ली पैंदी सारे,
सोहनी मेम साब्ह मेरी, सिरहाने बहन्दी,
मेरे मालिक साब्ह बहादुर नूं, कुझ होश ना रहन्दी,
सभ फिरदे आल दुआले, ऐसी सुंञ वरतदी.
सलोतरियां दे भा दी बस आफ़त आउंदी ।
मैं पटे वाला कुत्ता हां !

मैं वढदा किसे जे राही नूं, कोयी लेप ना मैनूं,
उह भौंदू, अन्न्हा, उल्लू, क्युं मेरे नेड़े आया ?
पर कोयी जे घुरके मैं ताईं, उह फांसी चड़्हदा,
क्युं उह मैनूं घुरकदा, मैं राहे राह जांदा,
इह सभ राह मेरे ।
मैं पटे वाला कुत्ता हां !

राखी मैं ना करदा, मेरी राखी रहन्दी,
शिकारे मैं ना चड़्हदा, कोयी लोड़ ना पैंदी,
बस कदी कदी मैं भौंकदा, ऐवें ड्रदा ड्रदा,
खिदमत जां कोयी नौकरी मैं कदे ना करदा,
आपनी नींदे सौं रहां, जाग आपनी जागदा ।
मैं पटे वाला कुत्ता हां !

जत्तल होना बस है, ते भोलू बणना,
पूछ हिलाणी, बूट चट्टणे, इह करम ने वड्डे,
इन्हां दी खट्टी ना मुकदी, नित वधदी जांदी,
पटा इह मेरे गले विच, बैकुंठ निशानी,
भागां वाला, करमां वाला, शाना वाला ।
मैं पटे वाला कुत्ता हां !

माड़ा, मरियल, खुरकां खाधा,
कुड़्हां विच, खुरलियां विच, भट्ठियां विच सौं सौं रहन्दा,
डरदा मार्या-भोलू, पालतू, पट्यां वाले कुत्त्यां तों, इह
ज्यून ना देंदे,
भौंकदे मैनूं, वढ्ढन पैंदे, जिधर किधरे वेखदे,
इह खुश-बखत, भोलू भरा मेरे, पट्यां वाले ।

भुक्खा भाणा, मैं प्या प्या रहन्दा,
आउंदे जांदे मारदे मैनूं इट वट्टा, ढींम,
डांगां सोटे खांदा, प्या 'च्यूं च्यूं' करदा,
सभ मशकरियां करदे मैनूं, मैनूं मारन दे मुखतार सारे,
सभ जाणदे मैं मार्यां, कोयी ना पकड़ींदा,
मेरा दरदी कोयी ना ।
मैं पटे बिनां कुत्ता !

आखदे सारे:
इह वबा फैलांदा, गन्द वधांदा, बोय खिंडांदा,
इह वाधू-खतरनाक-मारो एस नूं,
बन्दूकचीए छड्डे इहनां स्याण्यां, पिंड पिंड, घर घर,
कि मैनूं मारन, झट पट छेती-
मेरा मरना, चंगा मेरे लई, चंगेरा दुनियां लई ।
मैं पटे बिनां कुत्ता !

पर ऐवें अजाईं मारदे मैनूं, इह मूरख स्याणे,
मैं आपे मरनां,
इक मार्यां, मैं मुक्क ना जांदा, बथेरे होर पए नित नित
जंमदे, मेरे भरा,
क्युं ना मारदे मेरी मां कुत्ती भुक्खी मूरख नूं, जो नित
नित जंमदी, जंमन बिन होर शुगल ना जिस नूं ?
ते क्युं ना मारदे, इह मेरे पेवां नूं, हरल हरल करदे
फिरदे, मेरी मां कुत्ती भुक्खी उदाले, नित नित ?
रोग ना पछाणदे, दारू ना जाणदे, इह वडे स्याणे,
मूरख भारे ।
मैनूं ऐवें मारदे अजाईं ।
मैं पटे बिनां कुत्ता !

की पट्यां वाले इह सारे चंगे, बिन पट्यां इह सारे मन्दे,
होन लई, थीन लई, इह पटे की हैन ज़रूरी ?
कद टुटसन इह पटे, ते मुकसन इह पट्यां वाले ?
ते जीवसां मैं भी पटे बिनां इह कुत्ता, ते नाले भरा
मेरे सारे ?

मैं मर ग्या-
मेरी समाध बणी,
तूं नित आइओं, फल फुल्ल लै के,
तूं नित रोइओं, समाध उत्ते बह के,
हुन की फायदा ?
मैं सुंघदा नहीं, इह फुल्ल तेरे,
मैं सुणदा नहीं, इह वैन तेरे ।

मैं ज्यूंदा सां-
तां घर मेरे,
तूं कदी ना आइओं, ना पाए फेरे,
मैं भौंदा रेहा, नित मगर तेरे,
तूं ना वड़न दिता, कदी अपने डेरे,
ना मेरे प्रेम अन्दर, हंझू कदी केरे ।

हुन मरन पिच्छों-
मेरी याद आई,
मेरी याद अन्दर, ना नींद आई,
मेरे प्रेम प्यारां ने, आ खिच्च पाई,
मेरे वासते फल फुल्ल, लै आइओं,
नैणां सोहण्यां भी, छहबर आण लायी ।

पर हुन की हासिल,
है सभ ला-हासिल,
तेरा याद करना, इके भुल्ल जाणा,
तेरे लई होसी, मेरे लई कुझ ना,
सभ बराबर !
सभ बराबर !

अटल्ल बाबा,
उचे उचे मन्दर तेरे,
नीवां नीवां मैं,
तैं वल तक्क्यां, ओ उच्या, धौन मुरकदी मेरी,
पग्ग थंम थंम रखदा,
लहन्दी जांदी ।

राहां तेरियां ते बैठे डिट्ठे,
कयी अन्न्हे अन्न्हियां, जोड़े जोड़ियां,
कपड़े विछाए, दानियां दे दिल परखन सदका,
पाठ पए करदे मूंहां तों कासे कासे दा,
ते ध्यान धरदे आउंदे जांदे पैरां दे खड़ाकां ते ।

लंघ जांदे बहुते,
अक्खियां मसतियां, ध्यान तेरे अन्दर,
कोयी कोयी विरला,
ध्यान तिस दा तेरे वल ना,
ध्यान करदा, इन्हां राहां ते बैठ्यां दा,
जिन्हां दे हल ना वगदे किधरे,
मजूरी मंगदे तेरे राहां ते वेहल्यां बैठन दी,
सुट जांदा पैसा इक टणकदा टणकदा ।

रोटियां पक्कदियां डिट्ठियां,
तेरे दर, तनूरां उत्ते,
दुकानदार जेहे बैठे,
तोल तोल पकांदे जांदे,
तोल तोल देंदे जांदे,
पैसे देंदे दानी, रोटियां लैंदे,
ते देंदे इन्हां उडीकवानां नूं,
'बाबा अटल्ल, पक्की पकायी घल्ल' जो आखदे ।
तूं ना पक्की पकायी घल्लदा कदी किसे नूं,
इउं पए पखंड इस दुनियां दे चल्लदे,
तेरे नां उत्ते ।

तूं सोहण्यां दा सुलतान,
डिट्ठा तेरे दरबार,
इक मीना बज़ार हुसन दा लग्गा,
सुन्दरियां दियां डारां आउंदियां,
मसत इलाही रंगां,
गुटके लए विच हत्थां,
कुझ पड़्हदियां गुन गुन करदियां,
कुझ घुट्टन तेरियां लत्तां,
कुझ झस्सण,
कुझ थापड़न,
कुझ मुक्कियां मारन,
सभ लाहन थकेवां तेरा,
तूं कदे ना थक्कदा, कदे ना थक्कना ।

डिट्ठियां सुन्दरां राणियां,
झाड़ू फेरदियां तेरे दरबार,
संग-मरमरां दे फरशां ते,
ना रता कूड़ा जित्थे,
ना झाड़ू फेरन दी लोड़, ना वेला,
सोहने सोहने नरम झाड़ू,
सोहणियां सोहणियां नरम बाहवां,
सफल हुन्दा जनम झाड़ू फेरद्यां,
सवाद आउंदा झाड़ू फिरदे वेखद्यां,
केहियां सोहणियां सोहणियां कारां, तेरे दरबार,
निकार्यां दे करन जोग ।

रागी गाउन तेरे दरबार,
हेकां कढ कढ ।
कोयी ना सुणदा किसे दी,
ना कोयी सुणांदा किसे नूं,
सभ कोयी रुझ्झा अपने अपने कंमी ।
सभ सुणांदे तैनूं,
तूं सुणदा सभ दी,
रौल्यां विच, गौल्यां विच, कन्न दे दे के ।

इक दुनियां आउंदी तेरे दरबार,
इक दुनियां जांदी,
सभ मन्नतां मन्नदे,
मुरादां पांदे,
ख़ाली कोयी ना जावन्दा ।
फिर ख़ाली जांदे,
चुप चुपाते आउंदे,
चुप चुप टुरदे जांदे,
हस्सदा कोयी ना डिट्ठा,
इह अजब नज़ारा,
तेरे दरबार ।

मैं आया तेरे दरबार,
तक खिड़ी गुलज़ार,
बह ग्या बाहरवार
तैनूं तक्कदा,
दुनियां तक्कदा,
रसां दे घुट भरदा,
रस रस चाम्हलदा,
मसतदा, अलमसतदा,
उट्ठन नूं जी ना करदा
पर बहन ना हुन्दा,
उठ बहन्दा,
सिजदे करदा लक्खां, ओ अटल्ल बाब्या !
मुड़ आसां,
सिजदे करसां,
इह मेरा इकरार ।
पर की रहसी इह दुनियां तेरी,
इवें ही ?
ते कीह दिससी इह सभ कुझ मैनूं,
तिवें ही ?

यो तरन तारन वाल्या,
बाब्या,
मैनूं वी तार लै !

आह लै भाड़ा, पैसा इक,
तकरार ना प्या करीं,
मेरे नाल,
भाड़े दा,
मैं नहीं ऊं वध भाड़ा देन जोगा ।

गरीबड़ा जेहा बन्दा मैं,
मैनूं तार लै ऐवें ही,
यो तरन तारन वाल्या,
बाब्या !

जवानी मेरी,
उछलदी उम्हलदी
मेरे अन्दर,
निका जेहा अन्दर मेरा,
इह शहु दरया जवानी दा,
समुन्दर ठाठां मारदा दिन रात ।
आराम ना इस नूं, उंघलान ना, मौत ना ।
सदा रहन्दी, सदा रहनी नौं बर नौं इह जवानी मेरी ।

ठाठां इस दियां, लहरां इस दियां, छल्लां,
उठ उठ, उछल उछल,
तोड़ देंदियां बन्ने, बन्नियां, बन्न्ह,
कंढे तोड़दियां, इह छल्लां कहर दियां उट्ठन दिन रात ।

वगदी नंग-मुनंगी, बिन वाहों, बिन राहों,
इह कांग जवानी दी,
खुल्ही खुल्ह, आज़ाद आज़ादी,
बिन आद, बिन अंत, बिन आदरश, बिन मकसद,
वगणा, उछलणा, उमल्हणा,
कंढे तोड़ने, अटक भन्नणे, राह मेटणे, इह कंम इस दे,
इह जवानी मेरी !

मैं बच्चा कदी ना सी, मैं सदा जवान,
मैं बुढ्ढा कदी ना थीसां, मैं सदा जवान ।
कपड़े मैं ना पांदा-जवानी नूं कज्जन केहे ?
जिसम दे पिंजरे मैं कैद ना-जवानी नूं बन्न्हन केहे ?
मैं सदा जवान, ज्यूंदा- सदा तों सदा तक ।

जेहड़े जवान ना, उह केहे जींदे, किवें जींदे ते क्युं ?
बुढेपा केहा ? बुढेपे दा जीना केहा ?
बचपन केहा ? बचपन दा थीना केहा ?
जवानी बस जीवन है, जवानी दा नाच बस होन है,
बुढेपा मौत है, बचपन ना होन ।

मैं सुंञी, मैं सुंञी वे लोका, खल्लड़ मेरा खाली,
सक्खना इह कलबूत मिरा, प्या उडदा आल दुआली ।
छुट्ट गए सभ साक ते नाते, टुट्ट गई भाई-वाली,
शीरीं दुनियां नाल ना कोई, टुट्टी पेड़ तों डाली ।
टुट्ट पई किसे उच्चे दे संगों ? हो गई भैड़ी हाली,
रोल लंघाऊआं फीती फीती, कीती वांग पराली ।
दरदां वाल्यो दरद च आयो, आखो जा मेरे माली,
हौली कक्खां तों अज्ज हो रही, नाल प्रेम जो पाली ।
डग मग डोले, थर थर कम्बे, हिलदी वांगर डाली,
ठेडा लग्गा, राह विच ढट्ठी, किसे ना आण उठाली ।
उखड़ी लग्गां, टुटड़ी जुड़ जां, दसो चाल सुचाली,
हे भरपूरो झोली भर द्यो, आई दर ते सवाली ।
रस रस भर जां, भर भर डुल्हां, वग्गां हाड़ स्याली,
वगदी जावां, वंडदी जावां, मूल ना होवां खाली ।
ना हस्सां, ना हुस्सां, हुट्टां, (मेरा) वाली मेरे नाली,
रोवां, हस्सां, पहरां, फाड़ां, साईं रखे संभाली ।

तूं किरत हैं करतार दी, हुनर रब-हुनरी दा,
सुण्हप, सुबकता, प्यार, हमदरदी, सुहलता, नज़ाकत दा अवतार ।
तूं सिरताज, आरटिसट हैं,
बुत घड़ने तेरा कंम,
मूरतां वाहुणियां तेरा शुगल,
संवारना, बणाणा, तेरा कदीमी सुभाव,
कविता कहनी तेरी नित दी खेड ।
तूं हैं बे-मिसाल, हसती तेरी ला-ज़वाल, हुसन तेरा कायम दायम ।
उफ़ !
तूं फुल्ल सैं, तैनूं किसे आदर नाल ना सुंघ्या,
तूं सुण्हप सैं, तैनूं किसे सतिकार नाल ना वेख्या,
तूं प्यार सैं, किसे तैनूं प्यार्या ना ,
तूं सभ दी होईओं, कोयी तेरा ना होया,
तूं हुनर सैं अरशी, कोयी कदरदान ना मिल्या तैनूं,
तूं आज़ादी सैं, सदा बन्न्हणां च बन्न्ही गई, कैदां च कड़ी गई ।
चालाक मरद ने पाखंड खेड्या-तैनूं पूज बणायआ,
बन्न्ह बहायआ तैनूं,
बसत्रां दियां रस्सियां नाल,
गहण्यां दियां कड़ियां नाल ।
बे-ज़बान तरस-योग बुत बणा,
मन-मरज़ी दी पूजा लई,
घर मन्दर विच असथापन कीता तैनूं ।
तूं देवी मन्दर दी,
मन्दर पुजारी दी मरज़ी नाल खुल्हदा,
पुजारी दी मरज़ी नाल बन्द हुन्दा,
पूजय पुजारी दे पिंजरे विच,
इक सज्या खिडौणा,
इक शिंगार्या मुरदा !
घुट मार्या तैनूं खिड़े फुल्ल नूं,
मरद-मरज़ी ने,
आपनी गउं लई ।

पूंजी पती मरद ने इसत्री आरटिसट नूं मुल लै ल्या-
तूं उस दे हुकम अन्दर न्रित कीता,
उस दे इशारे ते मूरतां लीकियां,
डरदी त्रहन्दी ने बुत घड़े,
जेहो जेहे उस आखे,
जेहो जेहे उस चाहे,
कुत्ते कतूरे,
बिलू बलूंगड़े ।
हुनर ना रेहा-हुनरन ना रही,
मुशक्कतां मारी इक लोथ रही, बस ।

हुश्यार मरद-चालाक चोर ने, सदा फरेब खेडे तेरे नाल,
तैनूं नावां दियां फलाहुणियां दितियां ते आपना बे-दाम
ग़ुलाम बणायआ ।
तैनूं माता आख, ना-मुराद बे-आवाज़ मशीन बणायआ,
तैनूं अरध-अंगी आख, उमर गोला कीता,
तैनूं भगनी आख, रोटियां दा मुथाज रख्या,
तैनूं पती-बरता आख, हैवानी खाहश-पूरती दा हथठोका
बणायआ,
तैनूं सती आख, मुरद्यां दियां लोथां नाल साड़्या ।

हैवान इनसान ने तेरे ते सदा ज़ुलम कीते-
तेरे खेड़े ते खुशबू नूं नीचता नाल कुचल्या,
तेरी सद-जवान ते उडार आतमा नूं बलदियां मशालां
नाल धुआंख्या,
तैनूं अशकत, असम्रथ रख, तेरी रखवाली दा बीड़ा चक्क्या ।

मरद-फलसफी ने, झूठे लफाफे बणा, तैनूं झुठायआ,
आपनी पसली तों बणी, मरद बिन अधूरी, आख्या,
कमज़ोर सरीरी, हिफ़ाज़त दा लोड़कू चंगेरा-अद्ध दस्स्या,
नरम दिल, दिमाग़ हीन, सोहनी तितरी आख्या,
खंड लपेटी, वेहुली गन्दल दस्स्या ।

पशू पती ने तैनूं आपना मनकूला माल समझ्या,
जिवें उहदा परना, उहदी जुत्ती, तिवें उहदी इसत्री ।
खोट्यां दा खोटा, तैनूं कैद कर के, मुड़ मेहरबान बण्या ।
आखदा-कोयी अक्ख चुक ना वेखे मेरी इसत्री वल्ल,
सदा महफ़ूज़ रहे मेरी इसत्री, मेरे कैद-खाने विच,
सदा हिफ़ाज़त करां मैं, इस बे-दिल बे-दिमाग़
गठड़ी दी ।

मरद समाज ने सदा तेरी आवाज़ कुचली,
तेरे वलवले रोके,
तेरियां खाहशां नप्पियां,
तेरी खुराक मरद-मरज़ी दी,
तेरी तालीम मिणवीं मिचवीं,
कि तूं अच्छी बवरचन बणें, अच्छी खिडावी,
पती परमातमा दी पुजारन सादिक ।

मरद राज ने तैनूं कदी कुसकन ना दित्ता,
तेरी हैसियत नीवीं, तेरी करामात नीवीं,
तूं रहीयों मरद-मालक दी इक लौंडी,
मालक दी मरज़ी, तेरी मरज़ी,
मालक दी खुशी, तेरी खुशी,
तूं मालक दी, तेरा सभ कुछ मालक दा,
तेरी ना दाद, ना फरयाद,
मालक बदली दा हक्क भी ना ।

इसत्री सदा दब्बी रही ते मरद सदा ना-काम,
हे इसत्री, उठ ! कि शायद तूं कामयाब थीवें,
उट्ठ, कि बहन दा वेला नहीं,
जाग, कि साउन दा समां नहीं,
ज़माना तेरी उडीक विच है,
कुदरत तेरे इंतज़ार विच,
रब्ब तेरे इसतकबाल लई खड़ा है,
रब्बता तेरी आओ-भगत लई !

नींदर त्याग, दलिदर छोड़, संभाल पल्ला ते हो खड़ी
आपने आसरे,
तोड़ कंधां, भन्न पिंजरे, छोड़ जिन्द-कुहणियां रसमां,
खुद-गरज़ मरद माहणूआं दियां तेरे लई पाईआं लीकां,
उठा बुत्त, बराबर कर मन्दर, पद्धर कर कंधां-
कि डक्के हटन, उहले उट्ठण,
रता खुल्ह होवे, रता हवा आवे,
केही कैद है, केहा हुंमस धुंमस,
मैदान कर दे,
कि फेर फुल्ल उग्गण,
खेड़ा दिस्से, ख़ुशबू आवे ।

उठ जीवन-रागनी छेड़,
कि मुरदा मरद संसार तेरे आसरे जीवे
खेड़ा, खुशबू खिलार,
कि सुक्का मुरझायआ संसार तेरे सदका टहके,
टुक्कर दी बुरकी लई मरद दी मुथाजी छड्ड,
कि मरद तीवीं दोवें जीवन ।
संसार दा जीवन तेरे अन्दर है,
कायणात तेरे सीने ।

हनेरी आ रही है, भुचाल आ रेहा है !
उठ ! मते मुरदा मरद तैनूं भी नाल लै मरे,
उठ ! चिर प्या हुन्दा, वेला लंघदा जांदा ।

तप केहे ? तपस्स्या केही ?
कुदरत तप नहीं करदी,
ज्यूंदी ए जिनां चिर ज्यूंदी ए,
मर जांदी ए जदों मरना एं ।
आउन वाली मौत दे डर नाल, कौन हुन वाली ज़िन्दगी
तबाह करे !
मौत पिछों आउन वाले सुक्खां लई, कौन इह हुन दे सुक्ख छड्ड बहे !

बूटा उग्गदा ए वधदा ए फुल्लदा ए फलदा ए सुक जांदा ए,
मौत दा फिकर नहीं करदा, ना मौत पिछों आउन वाली
ज़िन्दगी दा लालच,
इनसान केहा लालची ! हत्थ आई ज़िन्दगी नूं, आउन वाले
जीवन दी हिरस विच घुट्ट मरदा ए,
मनुख केहा खुद-गरज़ ! अगले जहान दे सुरग खातर इस
सुरग तों वांज्या रहन्दा ए ।
की लालची धोखे विच नहीं ?
की तपस्सवी भरमां विच नहीं ?
ज़िन्दगी नाम है वड्डे वड्डे दुक्खां दा, निके निके सुक्खां दा,
ग्यानी उह जो दुख जरे, सुख माने ।

कांगां विच आई जवानी,
मैं हो रही झल-मसतानी,
नादानी हां दीवानी,
बिन नश्यों ही बउरानी,
बिन तिलकन पई तिलकेनी आं,
कोयी आण संभाले मैनूं !

मैं आपा जर ना सकदी,
ते उम्हल उम्हल पई वहन्दी,
जिन्द कैद अन्दर ना रहन्दी,
ते उछल उछल पई पैंदी,
बिन आईयों मर मर पैनी आं,
कोयी आण बचावे मैनूं !

मेरी रग रग रग पई थरके,
थरकन पई पाड़े परदे,
जद पैर धरां मैं धरती,
धरती नूं आउंदे लरज़े,
ना परद्यां अन्दर रहनी आं,
कोयी आण लुकावे मैनूं !

अड्डी ना लगदी मेरी,
पब्बां ते तुरदी जांदी,
बिन पींघां पींघ चड़्हांदी,
गगनां वल उडदी जांदी,
पयी हान हान दा वेहनी आं,
कोयी नज़र ना आवे मैनूं !

मेरे विच वड़ जाए कोई,
आपने विच वाड़े मैनूं,
हां, मैनूं जड़्हां तों पुट लए,
आपने घर ला लए मैनूं,
मैं उजड़न नूं तरसेनी आं,
कोयी आण उजाड़े मैनूं !

कोयी कुच्छड़ चा लए मैनूं,
खिद्दो वांग उठा लए मैनूं,
कदी उतांह उछाले मैनूं,
कदी हेठ दबा लए मैनूं,
रूह उभर उभर पई पैंदी ए,
कोयी आण खिडावे मैनूं !

मैं पिलपिली हां, मैं पोली,
मैं रस भरी हां, खट-मिट्ठी,
भख भख भख भख भख करदी,
रस रस रस रस रस भरदी,
मैं नुचड़ नुचड़ पई पैनी आं,
कोयी आण निचोड़े मैनूं !

मैं एवें कदी ना रहणा,
कोयी आण लिताड़े मैनूं !
मैं आप उखड़ पैणा,
कोयी आण उखाड़े मैनूं !

मैं मिधड़न नूं पकड़ेनी आं,
कोयी आण मिधाड़े मैनूं !

जफ्फी विच लै लए कोई,
हक नाल लगावे कोई,
कोयी गुच्छू मुच्छू कर लए,
हलन ना देवे मैनूं,
मेरा अंग अंग भन्न देवे,
भन्न फेर बणावे मैनूं !

उफ़ !
हुसन जाना ही सी,
जवानी मुक्कनी ही सी,
खेड़ा उडना ही सी,
शाख टुट्टनी ही सी,
सहारा मुक्कना ही सी,
त्रेल सुक्कनी ही सी ।

कीह हुन्दा ?
जे मैं भी वेख लैंदा,
मैं भी चक्ख लैंदा,
मैं भी मान लैंदा,
मैं भी बैठ लैंदा,
मैं भी गा लैंदा,
मैं भी भिज्ज लैंदा,
तेरा हसान हुन्दा मैं गरीब उत्ते,
गरीब ज्यू पैंदा इक सदका तेरे ।

की ल्यो ई ?
मैनूं भरमा के,
मैनूं तरसा के,
मैनूं मरवा के ।

सोहण्या,
तेरा सुण्हप ग्या, मेरी जान गई,
तेरा युमन ग्या, मेरी शान गई,
जाना ही सी,
इन्हां दुहां ने ।
जेकर हस्स पैंदे, रता रस्स लैंदे,
कह दस्स लैंदे, रता वस्स पैंदे,
फिर भी सुक्कना ही सी,
फिर भी मुक्कना ही सी ।

पर हां,
वस्स ल्या हुन्दा,
हस्स ल्या हुन्दा,
हसरत ना रहन्दी,
अरमान निकल वहन्दे ।

सूरज डुब रेहा, शामां पै रहियां,
घटदा जांदा चानन, वधदा जांदा हनेरा,
टिकाण्यां वाले चले गए, आपनी टिकाणीं,
घरां वाले आपनी घरीं-जिन्हां दे घर हैसन,
मेरी मजल नहीं मुक्की, ना टिकाना मिल्या मैनूं,
शामां पै रहियां अधवाटे,
पैंडा मेरा अटक ग्या, डोबू नदी दे कंढे ।

तारू नदी शूकदी, वंञीं हाथ ना इस दी ।
शामां पै गईआं,
रता रता लोय अजे है,
पर जित्थे सूरज दे इस चानने कुझ ना सार्या,
शामां दी इह मिटदी लोय किस कंम ?

पुल कोयी नहीं, ना बेड़ी, ना मांझी,
मैं अन-तारू खली इस कंढे, अनजान इकल्ली,
राह मेरा आण रुक्या, असगाह अलंघ नदी दे इस कंढे,
कोयी है बेड़ी वाला ?
मैनूं उस पार लै जाए, बेड़ी ते बिठा के,
शामां पै गईआं ।

दिसदी रात आ रही घुप,
बद्दल हो रे 'भूरे भूरे'
ठक्का चल्ल प्या किसे कहर दा,
ना चन्न निकलदा, ना तारे,
जिन्द मेरी घबरा रही है,
निक्का जेहा दीवा बस बुझ चल्ल्या,
अगला पार दिसदा जिवें सैनतां मारदा मैनूं ।

मैं इकल्ली खड़ी इस कंढे, अनजान, अलड़्ह, अन-तारू,
नदी निक्की हुन्दी, टप्प जांदी ।
नदी च कांग आ गई कोयी कहरां दी ।
कोयी है तरसां वाला ?
रता तरस करे, मैनूं उस पार अपड़ा दए रता ।