न मेरे दान न दायजौ न कछु हम सजनन जोग कराऔ साजन जू सें विनती। लिपन पुतन खों धिया दई तपवे कों राम रसोई। को राजा उलिया पसारियो को सजना गिन गिन देवै। कराऔ साजन जू... दशरथ राजा उलिया पसारियो जनकजू राजा गिन गिन देवैं। कराऔ साजन जू... जाओ साजन घर आपने जातन हुइहै अबेर। तुमाये धिया हो तो अदले कौ बदलो बहोरियौ। कराऔ साजनजू सें विनती।

नदी जमुना के अैले पैले पार सजन दल मेलियो। प्रभु दीन के आप दयाल दया मोपै कीजिये। मोरे न भोजन पकवान अँजुलि जल पीजियो। मोरे न दान दाइजौ कहा देख रीझियो। प्रभु दीन के आप दयाल... मोरे सियाजू के प्रान प्यारे कौशल्या माते दीजियो। मोरी हाथ जोर विनय सुन लीजियो। दया मोपै कीजियो।